24/07/2019
السلام عليكم و رحمة الله تعالى و بركاته
الأنيقات كيدايرين لباس عليكوم كيف عاملين مع رمضان
اليوم إن شاء الله جبت ليكوم واحد المشروب اللي عزيز عليا و على بنتي (أما ولدي الى كلتي ليه الماكلة يهرب) اللي هو الحليب و التمر و أنا كنضيف عليهوم الجنجلان و السانوج اللي كلنا كنعرفو الفوائد ديالهوم بالإضافة أنهم كيعطوه نكهة زوينة
هاد عصير مفيد خصوصا دابا فرمضان كيعطينا طاقة داكشي علاش كنسميه ظ…ط´ط±ظˆط¨ الطاقة
نبداو باسم الله
غادي نحتاجو :
الحليب
كمية من التمر بلا عظم
شوية الجنجلان و السانوج
نديرو التمر و الجنجلان و السانوج فكاس كبير (carafe) و نكبو عليهوم الحليب
نخليوه على الأقل في الثلاجة واحد 6 الساعات باش يذوب التمر ويسهال علينا نطحنوه( أنا كنديرو بالليل و نطحنو النهار لاخر)
هاهو مللي طحنتو كيجي بنين و مغذي
بالصحة و الراحة
دعيو معايا الله يهدي ولدي باش يزول الكوش ( ما ضحكوش عليا)
لأنو معدبني
lav,f hg’hrm
تم التقييم ورمضان كريم
ههههههه ضحكتيني الله يعطك الخير حتى أنا ختي مضاربة مع بنتها على ود لكوش ههههههههههههههه
الله ينولك لي في بالك
ههههههههههههههههههههه هي تلاقينا ههههههه نديرو جمعية محاربات الكوش ههههههههههه الله افك وليداتكم من الكوش وولدي حتى انا راه بدا تيمشي مع باباه للجامع ومتيخرج حتى ندير ليه الكوش ههههههههه خايف على الجامع مسكين ههههههههه
فعمرو 3سنين و 7شهور شارف ياك ههههه
ان شاء الله ندير هاد العصير العجيب
جزاك الله خيراً
تسلم ايدك
