السلام عليكم صديقتي كتعاني من القولون اي حاجة كلاتها كتنفخ ليها المصرانو عندها كثرة الغازات و خروج الريحة و مرة القبط و مرة الاسهال
مشات عند الطبيب و لكن الدوا مدار ليها واالو
عافاكم شوفو من حالها شنو دير
lahu]m fow,w hglwvhk lshu]m
المشاركة الأصلية كتبت بواسطة jassi123 
مشات عند الطبيب و لكن الدوا مدار ليها واالو
عافاكم شوفو من حالها شنو دير
و الله العظيم هاد المصران الي واعر حتي انا ضيع ليا حياتي ومعرافت اش ندير ليه هاد الايام دار ليا الدوخة و الصداع ديال الراس واش شي واحد بحالي ولا غير انا ؟عندي واحد الوصفة باقي مابديتهاش وهي كتلوحي اكاس ديال الحلبة فليترو ديال زيت العود وكتخليها تطلق 20 يوم في الزيت خصكي ديرها في شي بلاصة فيها سخانة بزاف بش تطلق الحلبة الماء ديالها ومن بعد كتاخدي ملعقة قبل الاكل 3 لمرات في اليوم
بالنسبة الحلبة فيها الريحة كتبقى الله اشافيك احبيبة
المشاركة الأصلية كتبت بواسطة jassi123 بالنسبة الحلبة فيها الريحة كتبقى الله اشافيك احبيبة
الحريق ديال المصران لواعر اما الريحة ماشي مشكل نشرب حتى القطران غير يكون تحسن ها ها ها
الله يشافيك اختي وكل المسلمين والمسلمات
حتى انا كان عندي نفس المشكل ومخليت دوايات بزاف شربت
ولكن جربت واحد الوصفة ضربة بطلة سبحان الله
كيما قالت الاخت فوق الكروية ولكن انا غنقوليك الكروية والنافع البلدي
راني مجرباها وكنت ديما مريضة بالمصران وداير ليا حالة دوزها عليا ولكن الحمدلله دابا تشافيت منو
واي وقت كيضرني كنديرها
شدي درهم ديال كروية ودرهم مافع بلدي ولا 2 دراهم
نقيهم وخلطيهم و خودي ملعقتين الى ثلاث ملاعق و ديريها فكاس وكبي عليها الما طايب
وسدي عليها مزيان بشي بلاستيكة حتى تطلق ويولي دافي وشربيه بالشفاء ان شاء الله
يستحسن قبل االوجبات و كذلك الى كنتي مريضة بزاف ديري عليه الماء طايب بزاف على حساب اللي يعمر ليك قرعة مثلا
و بقاي كلما جاك العطش شربي منها و ان شاء الله غتلاحظي الفرق
الله يشافيك يا رب
شكرا ليكم كاملين و الله اشافينا
عندي وصفة فعالة للمصران نتمنى طبقيها وتري علينا الاخبار الله يشافي كل مريض باذنه تعالى
غادي تجيبي رابعة حلبة بلدية عند العشاب نقيها غسليها مزيان وغادي تشدي كيلو او نصف كيلو ديال اشريحة التين اللي كاينة عند ماليين الفواكه الحافة تكون جديدة ديريها فالكسكاس وخلطي معاها الحلبة وغطي الكسكاس مزيان ببلاستيك غذانئي باش ما يتنفس والبرمةديري فيها لتر ديال سيدي حرازم وخليه على نار متوسطة يفور مزيان حتى تولي اشريحة معسلة والماء ديال البرمة ينشف مايبقا فيها من بعد عجني هذيك اشريحة والحلبة وخلطيهم بالقدر اللي يجمعهم بالعسل الحر وبداي تفطري به على الريق جهد اللي عجبك وقبل ماتنعسي كذلك وفنفس الوقت تكون منظمة الاكل ديالك يعني سكسو ماتوكليه عوضيه بالبلبولة خبز الشعير الحوامض بعدي منها الموندا التيقار القطاني كذلك والله يشافيك اختي ويعافيك