اخواتي الكريمات رمضان مبارك يدخل عليكن بالصحة والمغفرة
بلا مانطول عليكم احببت ان اشارككن بعض افكار واتجهيزاتي للشهر الفضيل
مرحبا بيكم عندي على بركة الله
تجهيزاتي التنضيفية:
اولا درت تخميلة من الجدر للدار كاملة وبما انه الصهد دابة جمعت الصالون وقفتوا باش نخلي فين نتمرحوا وفين يلعب ولدي حيدت الزرابي والموكيطات من الدار باش يبقى يجيني الحال ساهل لتسياق والتجفاف
نضفت بيت النعاس و بدلت ليه الديكور وهذي بعض الصور للاسف ماصورتش بزاف
المطبخ حكيت الأواني ونضفت لبلاكارات والفرن والألات الكهربائية ولبوطا حكيتها ودرتلها لخل وغلفتها باش تبقا نقية
من بعد ستفت كولشي فبلاصتو
تجهيزاتي المطبخية:
بالنسبة للاعدادات
جبت مطيشة من هذيك الرخيصة ديال الحريرة غسلتها مزيان وطحنتها فمولينكس وصفيتها فالصفاية الحمرا ديال لاماكوم وفرقتها فميكات نحتاجها للحريرة
جبت الحمص فزكنوا ودرتوا فالمجمد
عسلت البرقوق وفرقتوا فميكات وجمدتوا
جبت الفريز بكثرة غسلتوا وقطعتوا فالنص وضفت السنيدة خليتوا طلق السيروا ديالوا وفرقتوا فميكات
جبت كذلك البنان والتفاح نقيتهم وزدت عليهم عصير الحامض
باش مايكحالوش وفرقتهم فميكات حسب القياس لي كنستعمل مع العصير
ايضا المشماش قسمتوا فميكات ،صايبت عصير لبرود او باريدة ،صاوبت العقدة ديال الحامض و صايبت العقدة ديال خيزو والليمون
صايبت العصير ديال خيزوا بنكهة الخوخ
عصير لافوكا الكدابة هههه
عصير دانيت الكداب هههه
فورت الكرعا خضرا والدنجال وجمدتهم حيث كنحتاجهم لعصير
جبت جبن متزريلا كان فيه تخفيض حكيتوا وكونجيليتوا
فلفلة خضرا قطعتها وجمدتها كتنفعني للبيتزا ولتكتوكة
صاوبت لاصوص ديال البيتزا وفرقتها فميكات
جبت القوق جلبانة الفول نقيتهم وجمدتهم
صايبت الحامض مصير
صلقت الباربا وفرقتها فالميكات حيث كنحتاجها للعصير
صاوبت سلو وفرقتوا فميكات وجمدتوا
صاوبت الكاليط وفرقتوا فميكات والى المجمد كذلك البتي بان والهلايات
الملوي بالشحمة وجمدتهم و المسمنات صغار بطريقة جديدة
عجنت الخبز العربي لسندوتشات
أيضا الورقة ديال بسطيلة وعمرت بيها ليسيكار وبريوات مالحين
وماضلين
بالنسبة للحلو
صاوبت العسل بطريقة اميرة في مملكتي
هادو بليغاتي بالزنجلان لي وجدت مع الطريقة ليكم أخواتي
المقادير
500غ فورص
500غ زنجلان محمر
بيضة1
3معاق كبار زبدة
2معالق كبار زيت
معلقة صغيرة قرفة
1خمارة
شوية دالمسكة
ملح قطرات من الخل
ماء الزهر لجمع العجين
الطريقة
نبسبسوا الطحين مع الزبدة والزيت نضيفوا باقي المكونات ندلكوها نخايوها ترتاح شوية
ثم نطلقوها بالدلاك اذا بغيناها مقرمشة نديروها رقيقة واذا بغيناها فتية نديروها شوية غليظة
كتقطع وتشكل كيف الصور تقلى تطفى فالعسل تسقطر وهاهي واجدة
راها كتخرج كمية كبيرة
وبالصحة والراحة
كذالك بلح الشام وبدون بيض
المقادير
2كيسان ماء
1كاس زيت
قليل من الملح
الطحين حسب الخليط
الطريقة موضحة بالصور
وختمها كلاص ههه
واخيرا جهزت سجادتي ولباسي للصلاة وقراني الجديد وخاتم التسبيح
نتمنا يعجبكم تقريري ونكون فدتكم ولو بالقليل
الحمد لله الدي تتم بفضله الصالحات
lahv;jd td lshfrm hgjpid.hj hgvlqhkdm 2024
