الحمدلله والصلاة والسلام على رسول الله وعلى آله وصحبه أجمعين
اللهم يسر ولا تعسر
يسعدني أن أشارك في هذه المسابقة الطيبة استعداد لشهر رمضان الكريم
فجزاك الله خيرا أختي ماما شرف على هذه البادرة الطيبة وكل من ساهم فيها من قريب أو بعيد وفقن ووفقكم الله لما يحبه ويرضاه
غنبدا على بركة الله بالتنضيف والترتيب ومن بعد ط§ظ„طھط¬ظ‡ظٹط²ط§طھ المطبخية
تابعوني
تجهيزاتي التنضيفية:
أول حاجة صبنت زريبياتي كلهم وحدة فوق وحدة في الصالون باش نحيدهم في مرة كنفزكهم الحد في القد باش متعمرش الدنيا ماء كنغسلهم بمسحقوق الغسيل والأمونياك والبيكاربونات الصوديوم كنحكهم مزيان وكنجرهم للحمام كنبقى نشللهم حتى يتنقى الماء مزيان نخليهم يستقطرو وننشرهم فوق حائط البالكون
خملت بيتي أول شئ حيدت المانطة ديال البرد وديتها الحمام صبنتها هي ومانطة أخرى ولمخاد صغار وكبار صبنتهم في الغسالة زولت الخامية وليزار وغطاء الناموسية واللحافة خرجتها للبالكون تتشمش زولت غطاء العود ديال الناموسية وصبنت الكل كذلك في الغسالة غير كتصبن حاجة ندير الأخرى باش ميتجمعش الصابون واللي صبنتها ننشرها في الحين باش تنشف ومانجي فين نكمل التخمال نلقى كلشي نشف
الغرفة قبل التانضيف:
جمعت كل التخربيقات ديالي ههههه جريت الكل على الحائط دوزت المكنسة الكهربائية نظفت الأرضية والسقف مزيان وجففت من بعد مانشف رديتهم لبلاصتهم وهبطت الريدو ومسحتو مزيان بالمنظف السائل مزيان ومسحت النافدة مزيان من الداخل والخارج والسخانة ديال البيت حتى هي نظفتها مزيان كنديرتحتها بلاطو وكنخوي فيها الماء ممزوج بمنظف ومعطر وكنكرر العملية حتى تنقى والى كانت شي غبرة تخرج ونظفت لوحاتي ومرايتي البسيطة اللي هي حويجات بسيطة من أعمالي اليدوية وجففت بيتي مزيان ملي نشف رجعت تخربيقاتي من بعد مامسحتهم حتى هما
كل الأغطية اللي عندي بما أنهم مصبنين غير شمستهم ورجعتهم لمكانهم من بعد مادرت وسطهم كموسات الخزامى
ركبت الخامية من بعدما لقيت الفوق مع التحت بالماكينة وقطعت الخريسات لأني ممحتاجهمش حيت عندي المقيبطات ماشي العصا وهاذ الطريقة كتجيني جد عملية
ماجيت فين نسالي التخمال كلشي نشف الحمد لله
ركبت غطاء العود ورديت الناموسية و ركبت فراش صيفي خفيف كبيبطاتي صبنتهم وجمعتهم في بلاستيكة مصيت منهم البرد بالمكنسة وحطتهم في البلاكار الفوق حتى يجي وقت البرد ورديت زريبياتي اللي كنت صبنتهم في الأول رتبت الدواليب الخاصة بالملابس أيضا
عطرت الغرفة بعطر لاماكوم الراااائع
وهادي الغرفة بعد التنضيف والترتيب
رتبت الدواليب الخاصة بالملابس ومريت لغرفة ألأولاد حتا هيا نضفتها تنضيف جدري ورتبتها
عذرا على التكرار مزجت الصور بدون قصد
بيت وليداتي ياااارب يحفظهم لي
أول شئ الزريبيات صبنتهم هما الأولين مع باقي زريبيات المنزل
زولت الأغطية الخاصة بالفصل البارد ورقدتهم في الحمام وصبنتهم مزيااان المخيدات كلهم كنديرهم في الغسالة بعمارتهم يتصبنو والإيزارت وأغشية الأسرة والوسائد كذلك وأغشية اللحائف والستائر المهم كنصبن كل محتوى الغرفة
مسحت زجاج النافذة وكذلك أعلى النافذة وهبطت الريدو ومسحتو مزيااان وغسلت مزيااان كذلك سخانة الغرفة ومسحت الأسرة بعدما خرجت اللحايف للبالكون يتشمسو جريت البلاكار من بلاصتو جففت تحتو ومسحتو من الفوق كذلك أعدت ترتيب ملابس إبني الكبير بمساعدته وهاذ المهمة ديالو غير في التخمال الكبير كنعاونو بلاكار أبنائي فيه 3 قطع قطعة وحدة خليتها ذاخل الغرفة و زوج قطع في خارج الغرفة مباشرة في واحد الدخيلة هاذ زوج قطع واحدة لملابس ابنائي 14 و 15 حيت كيلبسو قد قد والقطعة 3 كنحط فيها الحقائب والصيكان ديال السفر
وحتى هما جريتهم من بلاصتهم وجففت تحتهم ومسحت فوقهم وأعدت ترتيب كل ماببذاخلهم
الحمد لله ماجيت فين نكمل نشفو لي المخيدات الكل والمانط وقت مانشفو ممحتجاهمش أعدت ترتيب الغرفة وإعادة الأشياء لأمكنتها مع تغيير الأغطية بأغطية صيفية وبخرت ليهم الغرفة ببخور طيب الرائحة .
كنفظل تكون الغرفة خفيفة داكشي علاش مخلية غير قطعة واحدة من الخزانة وحتى ترتيب الأسرة مريح بالنسبة لي في التنظيف اليومي كنت جربت نديرهم مصافين عرض زوينين لكن غير مريحين بخصوص التنظيف واالغرفة كتعمر تقريبا فأنا لقيت راحتي هكذا وخصوصا الغرفة طويلة
نخليكم مع الصور
خملت صالوني أو بالأحرى بيت الكلاس أنه جد بسيط وأغلب وقتنا مجموعين فيه وأغلب محتواه صنعتنا الغربة ومدير وغير جهة وحدة ههههه المهم عندي وكمبدأ في حياتي وحياة عائلتي واللي كنتعاونو عليه هو النظافة والنظام
أو شئ زولت الغشيان ديال المخاد والسدادر والخوامي ونيشان للمصبة باش ينشفو لي
مسحت الزاج وأعلى الباب وهبطت الريدو ومسحتو مزيان من الداخل والخارج وفرغت الخزانة وغسلت الماعن في الغسالة ومسحت فوقها وجريت وجففت تحتها ونظفتها من الداخل والخارج ورجعتها لبلاصتها ورديت ليها كل شئ طبعا مع الترتيب بصراحة جامعة لي كل شئ وغسلت كذلك السخانة من الداخل والخارج كباقي الغرف وجففت الصالون وعاود رجعت محتوايتو مجيت ين نسالي كل شئ نشف ومسحت حتى الخزانة ديال الدخلة من الفوق وتحت منها وأعدت ترتيبها
وحتى القنيتة ديال التلفزة وكل محتوياتها
نخليكم مع الصور
لم أغير شئ تقريبا نظفت فقط وغيرت الستائر
بعض محتويات الخزانة :جهة خاصة بأعمالي اليدوية
خملت الحمام مزيان جريت الغسالة وجففت تحتها وغسلت سخانة الحمام كباقي الغرف وكذلك زجاج النافذة وأعلى النافذة كذلك رتبت خزانة الحمام والصيدلية وصبنت ستارة الحمام
هاذي صور تخمال المطبخ وصور المجمدات لي جهزتهم قبل تخمال المطبخ
وبهادا نكون ختمت ط§ظ„طھط¬ظ‡ظٹط²ط§طھ التنضيفية
تجهيزاتي المطبخية:
بعض الاشياء اللي كنحتفظ بيها في الفريكو:الدجاج كنغسلو مزيان وكندير الصدر بوحدو والأجنحة بوحدها والفخيدات كذلك
شاطو لي هاذ الفيلات هههه حتى هما لميتهم في الفريكو ومدزريلا حتى هي قطعتها ونيشان للفريكو وعصرت كذلك مرة أخرى الحامض ودرتو مكعبات واحتفظت به
القزبر والمعدنوس والكرافس مقطعين كنخلطهم ونديرهم في بلاستيكات
وكنعزل للطاجين المعدنوس والقزبر بوحدهم بلا كرافس
اللحم كندير في بلاطو وندخلو للفريزر غير يجمد نجبدو ونديرو في الميكة
عصير الحامض كنجمدو على شكل مكعبات راااائع وسهل لعدة إستعمالات
الفطر حتى كنظفو ونقطعو ونحتفظ به في المجمد لعدة إستعمالات
زويتنات مشرملين
كندير فيهم :النافع حبوب _كامون حبوب _ فصوص ثوم _ زعتر شرائح الحامض __ الهريسة _ شوية خل التفاح وزيت الزيتون كيجي زوين متبعوش منو
القهوة معطرة
بالنسبة للحلو
جهزت لعسل وصايبت بليغات وشباكية وبريوات
أيضا سفوف
وهادو نماذج للمأكولات لي نوجدها فرمضان إن شاء الله
شريت التمر ايضا وبهدا نكون قد ختمت تجهيزاتي ط§ظ„ط±ظ…ط¶ط§ظ†ظٹط© نتمنا تعجبكم ظ…ط´ط§ط±ظƒطھظٹ ونكون فدتكم بشي فكرة من بيتي المتواضع
lahv;jd flshfrm hgj[id.hj hgvlqhkdm gskm 2024
