مبروك عواشركم البنات والله ادخل علينا رمضان بيخير وعلى خير
اليوم جيت نحط اول تطبيق فتجهيزاتي لرمضان داري خاصها صبغ وقلنا شهر 8 نصبغوها إن شاء الله والموكيط خاصو يتصبن درنا مع الناس يجيبو لماكنة إصبنوه لينا
تجهيزاتي التنضيفية :
لي هو صقل اواني لينوكس لي كانو عند راجلي شحال هدي قبل منتزوج بيه وقلت نحكهم مزيان قبل رمضان انشاء الله وجبت واحد برودوي ونحكهم اوا الحمد لله ماحشمنيش هاد البرودوي آ ههما تصيوراتي
تجهيزاتي المطبخية:
بالنسبة للوصفات هدشي لي غنوجد لرمضان صافي حيث راجلي متياكلش بزاف هاد الخير غير ليا
تاني حاجة وجدتها لسيدنا رمضان
لي هي مسيمنات عامرين بليزيبناغ و
الفرماج
المهم درت ليزيبيناغ
فمقلة مع بصلة قليت كلشي
مزيان ودرت التوابل وزدت الفرماج
فالاخير وطفيت عليه ووجدت عجينة
مسمن وكرصتها وبديت كنعمر ونحط
حتى كملت طيبتهم وحطيتهم حتى بردو
وبديت كناخد كل ربعة وندور عليهم فيلم
اليمنتير وحطيتهم فباطا ودخلتهم فريكو
نخليكم مع تصيوراتي للتطبيق
وجدت بريوات بالحوت والفرميسيل يا سلام مدرش فيهم ليشامبيون كجيي باسل درت فيهم كروفيت كلمار حوت ابيض وبصلة مشلظة وفرميسيل قزبور معدنوس حمض مصير زعتر صوص صويا مطيشة دالحك وابزار سكنجبير ملحة تحميرة شوية كوزة سودانية شوية موطارد ثومة بزايد وزيت بلدية وزبدة فاش قليت كلشي ملي وجدات العقدة خليتها حى بردات وقاديت البريوات وباش نحافظ عليهم مدة طويلة وميخسرش منظر ديالهم لويت كل وحدة فبابي المنيوم ودرت كل عشرة فميكا مزولة هاكا غيسهال عليا نجبد العدد لي بغيت بلا منخسرش لخرين هدا مكان الله ايسر الامور
شباكية البشنيخة
لي وجدت البارح لرمضان انشاء الله جات تحمق
مقادير مضبوطين ومداق غزال مهم وجدتها وباش
نحافظ عيها غلفت بواة بباي ايمنيوم وحطيتها فيها
وغطيطها مالفوق بباي المنيو وسديت بواة ولكن
بيني وبينكم مابان ليا غتبقا حتى لرمضان حيث لذيذة وزوينة
هاهما مقاديرها لي بغاتهم
500 غ دقيق
125 غ زبدةمدوبة
ربعلتر حليب
2 معالق خل
معلقة ماء الزهر
2معالق زنجلان محمرو مطحون مزيان
معلقة نافع محمرو مطحون مزيان
نصف ملعقة صغيرة خميرة حلوة
شوية خميرة العجينة
نخلطو النواشف بوحدهم ثم نزيدو خل على الزبدة هو وماء الزهر ونعجنوها بالماكينة ونبداو نجمعو لعجينة بالحليب ونخليوها تعجن مزيان كتكون رطبة
ثم نقسموها كويرات كل كرة ف فيلم اليمونتير ونخليوها ترتاح واحد 15 دقيقة ونبداو ندلكو كندوزوها فنمرة 4 ثم سباكيتي ونشكلو بشنيخة باش ما كانو خيوط كثار كيجي منضر حسن ثم نغمسوها فالعسل ثم نزوقها بزنجلان ولوز افيلي
هدا ماكان مبروك رمضان وبالصحة والراحة
lahv;jd flshfrm hgj[id.hj hgvlqhkdm gskm 2024
