اولا تهنئة خاصة لمشرفات واداريات المنتدى الحبيب وتحية عطرة لكل اخواتي وحبيباتي المشاركات والعضوات
رمضان مبارك ادخله الله عليكن وعلى اسركن بالمغفرة والرحمة والعتق باذن الله
بالنسبة للتجهيزات هذه السنة صادفت انتقالي من بيت الى بيت ثاني فلم يكن هناك الكثير ولكن احببت ان اشارككن ماوصلت اليه الى اليوم ان شاء الله
نرجعو للدارجة ههههههه بديت بغرفة المعيشة والمطبخ وتقريبا هوما كل اللي اشتغلت عليهم لحد الساعة لاني مازلت في مرحلة الانتقال
حولت الكوزينة والميعنات وغسلت كلشي وستفتهم في الاماكن ديالهم فين غادا نسكن حاليا
وغرفة المعيشة هزيت كلشي حتى صبنت الزربية وسيقت وديتهم حتى هوما للمنزل
غسلت الكونجيلاتور ودرت فيها الجلبانة والفواكه اللي نحتاج للعصير وكذلك مركز البرتقال والليمون
ومازال ان شاء الله هاد الاسبوه عاد ناوية نتقدا السمك والدجاج وشوية التقلية والكفتة
والثلاجة حتى هي غسلتها وستفتها
وجدت العسل من الدورة وبديت الشباكية يلاه نكملها دابا و كذلك السفوف كل مرة نوجد حاجة وغير قبلو عليا حيت الوحم دار فيا حالة جاني غير بالنعاس نخدم شوية ونعس شوية هههههههه بحالي رشو عليا فليطوكس
هاد ماكاين بالنسبل الجانب التنظيفي اما الصالون وياقي الفراش ماناوياش نحطو لاني مازال غادا نرجع ننتقل من بعد 3 شهور ان شاء الله اضافة انني غادا نسافر فهاد العطلة بحول الله اذن خليت كلشي مجموع
بالنسبة للجانب الديني ان شاء الله ناوية نختم القراان على الاقل 3 المرات ثم نتبع هاد الجدول بحول الله
اما الاكلات والوصفات كنبغي نشارك فالدورة ديال رمضان فضلت اني نوجد كل حاجة فنهارها باش نوع وناكلو كلشي طري وفي نهارو بغيت نبعد على تخزين الاكل في المجمد
والتنظيف لهلا يخطي علينا تجمع نساء الهمة راه ماشاء الله شامل لجميع الجوانب السابقة
وفي الاخير نتمنى نكون ضيفة خفيفة عليكوم وعواشر مبروكة على الجميع
استودعكم الله الذي لا تضيع ودائعه
lahv;jd flshfrm hgj[id.hj hgvlqhkdm gskm 2024
