السلام عليكم ورحمة الله وبركاته 
اولا كل عام والامة الاسلامية بخير وعافية بمناسبة قدوم الضيف المحبب الى كل قلب مسلم وعربي شهر رمضان شهر الثوبة والغفران الله يتقبل منا ومنكم صيامنا وقيامنا امين بحال كل الأنيقات ملي كيقرب الشهر الكريم كنبدا نوجد راسي كنبدا بالتخمال والتنضيف هو الأول تم الشهيوات باش نستغلو الوقت فرمضان في الطاعات والعبادات وتلاوة القران حتى انا اليوم بغيت نشاركم بحملة ط§ظ„طھط¬ظ‡ظٹط²ط§طھ اللي درت فداري كنتمنى تنال اعجابكم ورمضان مبارك الله يجعله شهر العتق والمغفرة لجميع المسلمين . 
تجهيزاتي التنضيفية : المهم أنا كنبدا بالتخمال والصابون والتنظيف . نبدا على بركة الله . بسم الله بديت بالماريو جمعت حوايج الشتاء وجبدت حوايج الصيف صورت لكم غير الماريو ديالي حيت الأخرين كنت صوبتهم قبل . وصوبت الماريو ديال بنتي واحد الجهة جمعت فيها ليزور. 
بديت بلكونة ديال بنتي سستها وبدلت ليها لفراش . 
تم بيت النعاس شمشت الماطلة و بدلت ليزار والخوامي وزعفت السقف ومسحت الغبرة . 
وجدت العدة وبديت التجفاف حليت البلكون دخلات الشميشة وحيدت الكونا حتى كملت وفرشت ورديتها بلاصتها . 
دخلت الحمام بيت النعاس حكيت الأرض ومسحت لمرايا ولافابو. 
وهادي الصورة النهائية 
دزت البيت ولدي حيدت ليه الفراش وقفت المطلات حيدت الخوامي ومسحت الغبرة وجففت ومن بعد رديت كل حاجة بلاصتها . 
تم بيت بنتي حتى هو دوزت أعليه لانه كان نقي وهنا كنت باقي ماجمعت كوفرليات لانه كان الحال باقي بارد شوية . 
تم حمام ولادي حكيتو مزيان ومسحت الزاج ورتبتو. 
إيوى وجات نوبة الصابون الحمد لله المنطات مهنيني منهم المكينة وكتخرجهوم لي كيشعلو يوى والزرابي عريت أعلى كتيفاتي وحكيتهم ومن بعد مانشفو رديت كل حاجة بلاصتها ورتبتهم .بالنسبة التعطير ديال المانطات إلى بغيت نخزنهم كندير لمسك محكوك وصابونة ديال دوف محكوكة فصريرة + قرنفل فكموسة أخرى وكنديرهم بين الطيات الصراحة كيخلي الريحة روعة وحتى فاليزور كنديرها . 
ودبا جات نوبت السي الصالون هزيتو كامل وخرجتو الشمس ومسحت الحيوط وزعفت السقف ولمعت الزاج وجفيت وخليتو مزال ألان مهزوز حتى يقرب رمضان عاد نفرشو ولامحال حيت نازلة المغرب أن شاء الله نخليه نقي. 
وطلعت الصالة ألالعاب ديال ولادي فين كيلعبو دوزت لسبيرتور ورتبتو كان حالتو كيخلع والله ضرني راسي عاد كملتو. 
تجهيزاتي المطبخية: كنشري كل الوازم الغدائية ألي غدي نحتاج وكنرتب كل حاجة بلاصتها . كنقطع الربيع والكرافس ونجمدهم كنطيب مطيشة ونطحنها ونديرها فالتلاجة .حتى القشرة نستعملها ف ليصوص بحال بيتزا. 
بعض المشتريات ألي غدي نحتاج + الضروريات من زيت ،لوازم الحلوة ولطارط والفلان،لوازم بيتزا الدقيق الأبيض والسميدة مطيشة معلبة ،سنيدة …………إلخ .السميدة ديال المزكور،والدشيشة والمفلقة الحريرة والعطرية كنجيبهم من المغرب . 
جاب لي راجلي الشحمة طحنتها ودرت لها العطرية والربيع ودرتها فالطاسة فالفريغو باش منين نحتاجها لتعمار البطبوط نلقاها واجدة. 
بالنسبة الأكل مكنعتمدش التجمييييد نهائيا فالمطبخ أديالي كندير كل حاجة بيومها وحتى إلى شاطت شي حاجة كنستغلها فاليوم الموالي .دبا بالسلامة الصيف والنهار طويل أرى مانوجدو خاص غير بنادم ينضم وقتو نصيحة الواحد يشقى فالصباح كيكون الحال بارد وبنادم ناشط أما نصف نهار الأخير كيكون الصهد يستغلو الواحد فالعبادة وقراءة القرأن وصلة الرحم مع الأهل والاحباب ويرتاح شوية قبل العصر . أكتفي فقط بتحضير الحلو شريت الزنجلان الصراحة نقيي غزال هدا العام 2 كنستعمل هدا ديال القرعة مكنتعدبش بتنقية كنت حتى كنعواج ونحوال عاد كنكملو .غسلتو و- نشفتو وطحنت لوازم سلو وخلطتو الصور توضح. 
الطاسات فيهم اللوز مطحون وكاوكاو والجنجلان .قبل منخلطو . 
هاهو منين وجد كيعجبني يكون فيه مايتمضغ مكيعجبنييش يكوون رطب. 
وهادي الشباكية المهم وخى تشوفوها ماملويش مزيان والله إلى بنييينة غير الطوية حلفات لصدقات ليا كنمووت بالضحك .هههههه 
لبريوات وجتلهم لعمارة وطويتهم حتا يقرب رمضان عاد نقليهم 
برنامجي في رمضان المهم بالنسبة البرنامجي ديال التنظيف كانبيت الدنيا كلها مجموعة الصباح كنفيق مع 10 كنصلي الضحى ونفيق وليداتي نفطرهم ونبدل لهم و كندخل الكوزينة كنوجد كلشي كندير فطور وعشاء لان المغرب عندنا حتى 10 .كنخرج من الكوزينة ونسدها مع 1 أو 2 صافي ماندخلها حتى 9 نبدا غير نسخن ونقاد فالطبلة . الدار كتكون نقية كندوز غير تجفيفة خفيفة وخلاص التوليتات أعزكم الله ضروري من الحكان وجافيل يوميا . الكوزينة كنكون كنشقى وديما حداية بانيو صغير فيها زيف وجافيل فينما تبان لي شي طبعة ولا شي حاجة بغت تمسح كنمسحها فساعتها الفران كنخرج منو أي حاجة ومنين كنسالي منو كنمسح ليه الزاج وجنابو وهو السخون بمضاد الدهون كيتمسح دغيا وكيولي يشعل والتلاجة كندير لها مراجعة يومين اليومين ونمسحها بزيف فيه الخل من الزفورية بالنسبة الباب كنمسحو من أليل أليل منين كنبغي نخرج من الكوزينة لانه دبة الصيف وقوة حل سد كيتكونو الجراتيم خاصة فديك الجلدة ألي فالباب كتشد الأوساخ. كانكتفي بهاد القدر حبيباتي ونتمنى هدشي ينال اعجابكم ونكون خفيفة الضل عليكم . كنتقدم بالشكر الجزيل الكل الساهرين على منتدانا الغالي وكل جنود الخفاء ألي كيعطيونا الكتير من وقتهم باش يجعلو منا عيلات GADAAAAAT وحادكات . وشكر خالص الأم شرف أعلى المسابقة الاكتر من رائعة وأنتظروني في إفطاراتي ط§ظ„ط±ظ…ط¶ط§ظ†ظٹط© . ورمضان كريم وكل عام وانتم بخير. في أمان الله. 
"lahv;jd flshfrm hgj[id.hj hgvlqhkdm gskm 2024
الف مبروك وتبارك الله عليك
الف مبروك ام ريم وريان تبارك الله عليك
مبروك عليك الرتبة التالتة اختي تبارك الله عليك واحد السؤال الله يخليك منين كتشري الزنجلان هداك لي فلقراعي حتا أنا في اسبانيا
تبارك الله عليك اختي والله يعطيك الصحة
المشاركة الأصلية كتبت بواسطة ماما شرف 
الله يبارك فيك حبيبتي والشكر موصول ليك والكل الساهرين على المسابقة.
المشاركة الأصلية كتبت بواسطة ilham34 الف مبروك وتبارك الله عليك الله يبارك فعمرك حبيبتي ويرحم زوجك ويجعل ليك البركة فوليداتك .
المشاركة الأصلية كتبت بواسطة layall الف مبروك ام ريم وريان تبارك الله عليك الله يبارك فيك حبيبتي شكرا
المشاركة الأصلية كتبت بواسطة ROMYASS مبروك عليك الرتبة التالتة اختي تبارك الله عليك واحد السؤال الله يخليك منين كتشري الزنجلان هداك لي فلقراعي حتا أنا في اسبانيا الله يبارك فيك شكراأختي هداك الزنجلان من makro.