مسيمنات مورقين محشيين بالكفتة شهوة منهم من مطبخي

المقادير
نص كيلو فورص – فرماجة – رشة ملح – شوية خميرة الخبز – بيضة – 1م ص سنيدة – 1 م ك زبدة – 1 م ك خل 1 خميرة الحلوى – 125 غرام زبدة لينة للتوراق .

الحشوة
كفتة مقومة – بصلة مشلظة – 1 ثوم مفروم – ملح وابزارلتصحيح الدوق لان الكفتة مقومة – صلصة حارة او هريسة – شوية الزيت – معدنوس مفروم.

الطريقة
نشحرو البصلة والثوم مع رشة ملح في شوية الزيت مزيان عاد نزيدو الكفتة مع التحريك وفي الاخير نزيدو الصلصة الحارة والمعدنوس ونصححو الدوق ونخليو الحشوة تبرد.

نعجنو كلشي بماء دافئ ماعدا الزبدة ندلكو العجين غير شوية ونشكلوه كويرات قياس المشماشة ونخليوهم يرتاحو شوية عاد نطلقوهم بالزيت ونورقوهم بالزبدة ونطويوهم على شكل ضرف ونخليوهم يرتاحو ثم نورقوهم للمرة الثانية بالزبدة ونطويوهم مرة اخرى على شكل ضرف ملي نكملوهم ناخدو المربع الاول نطلقوه شوية ونديرو معلقة من الحشوة الوسط ونجمعو الجوانب للوسط ونتكوها بقطعة فلفلة حمرا او زيتونة سوداء او…. في الاخير ندهنو المسمنات بالبيض وندخلوهم للفرن وبالصحة والراحة.

lsdlkhj l,vrdk lpaddk fhg;tjm ai,m lkil lk l’fod