مسيمناتي بالشحمة والكرعة والفلفلة

فكصعا كنخلطو القمح و الفورص وشوية الملح وكنجمعو كولشي بالماء دافئ

هاهي العجينة كنخليوها ترتاح ونكوروها

وهاهي من بعد مارتاحت

للعمارة كنشلضو واحد البصلة كبيرة
الكرعة مقطعة مكعبات صغار
الفلفلة مقطعة صغيرة
الشحمة ديال الكلوة مقطعة
القزبر والمعدنوس مقطعين
الثومة مدقوقة الملح البزار التحميرة الكامون الخرقوم الزيت
كنشحرو كولشي فالمقلة ونخليوه يبرد

كنبداو نطلقو فالكويرات بالزيت

كنفرشو العمارة

كنطلق المسمنة التانية حيت كندير وحدا وسط وحدا

وكناخد الجها الي مطويا هي الي كنديرها لتحت وكنطوي عليها من فوق باش كتجي المسمنة مورقة من جوج جوايه متجيش غليظة من جيهة ورقيقة من جيهة

والى بغيت نعطي اللون احمر للمسمن كنزيد التحميرة فالزيت ديال التوراق

كنكمل المسمن بالتوراق واحدة وسط وحدا
وكنكرص ونبدا نطيب فالمقلة ثقيلة على نار مهيلة

او بالصحة والراحة

lsdlkhjd fhgaplm ,hg;vum ,hgtgtgm