مسمن الشحمة يا سلاااااام

oum hedayah
7-9-2019
اولا و قبل كل شيء مبروك العواشر و الله يبلغنا رمضان في احسن الاحوال يارب اميييييين
اليوم جيت و جبت معايا ظ…ط³ظ…ظ† ديال ط§ظ„ط´طظ…ط© نتمنى يعجبكم نبداو باسم الله بالمقادير و الطريقة
في مقلة غادي نديرو 2 بصلات كبار مشلضين + 3 جزرات مقطعين بشكل طولي انا كنستعمل السكين الاقتصادية باش يجي رقيق و دغيا يطيب + 2 كورجيتات حتى هما مقطعين بشكل طولي + 2 فلفلات حلوين مقطعين مربعات + رابعة ط§ظ„ط´طظ…ط© مقطعة رقيقة + الملح + الابزار + التحميرة + الكمون + الخرقوم بلدي + الخرقوم الاصطناعي + الربيع مقطع و نديرو كلشي فوق العافية حتى طيب الخضرة نصف طيبة يعني ماتخليوهاش حتى دوب حيت مازال تابعها الطياب في الفرن
بعدما طيب الحشوة نخليوها تبرد
و ندوزو العجين غادي نديرو عجينة المسمن عادية يعني نفس مقدار الفورص و نفس مقدار القمح الاصفر و الملحة و نعجنوها و ندلكوها مزيان و نخليوها ترتاح من بعد نعملو منها كويرات كبار بحال الصورة حيت كل مسمنة كبيرة غادي نديرو فيها 2 كورات و نخلويها ترتاح مرة تانية
دابا ندوزو للتعمار ناخد كل كورة من العجين نورقوها مزيان و نديرو في الوسط قياس ديال زلافة حشوة و نجمعوها بحال المسمنة و لكن الجانب الاخير من المسمنة نخشيوه تحت من المسمنة باش ماتخرجش لينا الحشوة و ناخدو كورة واحدة اخرى نورقوها و نديرو في الوسط الحشوة و نحطو عليها المسمنة اللي درنا من قبل و نجمعوها بحال المرة الاولى و هنا عندكم الاختيار بغيتو تزيدو طبقة اخرى من الحشوة و العجين زيدوها مابغيتوش ديرو بحالي انا درت 2 مسمنات في واحدة و نكرصوها في لاطة ديال الفرن و ندهنوها بالزيت مخلطة ما شوية التحميرة و ندخلوها للفرن حتى تحمر و بالصحة و الراحة مع شي كاس ديال اتاي منعنع ممممممممممممممم ايوا نخليكم مع الصور