السلام عليكم البنات اش خباركم كنتمنى تفيدوني بالنصائح ديالكم راني واتقة ف دوقكم انا شريت واحد الفيلا حدا البحر بالحق غير صغيرة ماشي شي فيلا نيت هههه المساحة المبنية فيها ديالها تقريبا 146 و الباقي جردة صغيرة المهم انا شريتها سومي فيني يعني ما زال خاصني الفينيسيون هاد الشي علاش بغيتكم تفيدوني بافكار بالنسبة للفيانس للحمامات و حتى للصباغة هههه ختكم طماعة غير خدوني على قد عقلي بالنسبة للتفاصيل هي فيها لتحت صالة كبيرة يمكن شي 7 متر على تلاتة و صالون صغير و كوزينة كتطل على لاكور اللي جا من اللور و حمام صغير و وسط الدار و الفوق فيها 2 بيوت ديال النعاس كبار واحد بالحمام و واحد لا و حمام اخر على برة و صالون كبير و تيراس كبيرة تقريبا ربعة على ربعة كتطل على البحر دابة الناس قالو لي خاصك تديري الالمنيوم ف الشراجم و الباب و التيراس يعني الحديد ما غاديش يخدم ليا تماك مع الرطوبية د البحر و بالنسبة لغرف النوم انا كنت ناوية ندير الباركيه و لكن قالو ليا راه غير منظر على والو ف قررت ندير كلشي فيانس و فكرت ف الرخام و لكن سمعت بلي راه غالي بزاف ف ياليت اللي عندها فكرة على انواع الفيانس و اشنو الجديد فيه ما تبخلش عليا و كدلك اشنو الجديد ف الصباغة سمعت بلي كاينة شي وحدة كيقولو ليها الندى و لكن ما عرفتهاش و شكرا حبيباتي
lshu]m lk whpfhj hg],r hgvtdu
السلام عليكم و رحمة الله أولا مبروك عليك الفيلا و الله يدخلها عليك بالصحة و العافية أختي الديور اللي تيكونوقرابين البحر ديكورهم خصو يكون بسيط متقويش الديكورات او الفراش او عنداك ديري الجليج فيه قوة الألوان أما الباركي مغديش يصلاح لأنه مكيتحاملش مع الما تصوري البحر او التدواش كيف غادي يولي الباركي
المشاركة الأصلية كتبت بواسطة oumzkareeya 
السلام عليكم و رحمة الله أولا مبروك عليك الفيلا و الله يدخلها عليك بالصحة و العافية أختي الديور اللي تيكونوقرابين البحر ديكورهم خصو يكون بسيط متقويش الديكورات او الفراش او عنداك ديري الجليج فيه قوة الألوان أما الباركي مغديش يصلاح لأنه مكيتحاملش مع الما تصوري البحر او التدواش كيف غادي يولي الباركي الله يبارك فيك اختي عقبالك ان شاء الله بما حسن منها ف الدنيا و ف الجنة ان شاء الله و شكرا اختي على الرد عندك الحق ف موضوع الباركيه ما غاديش يصلاح مع الما شكرا حبيبتي