السلام عليكن و رحمة ط§ظ„ظ„ظ‡ تعالى و بركاته.
اولا مبروك عواشركم باش ما تمينيتو ان شاء الله.
انا بغيت استشاره في موضوع الخطبه راني ما عارفه والو
حيت انا غ بوحدي ما عنديش شي ختي لي مزوجه قبلي كينا غ انا و خويا باقي بلا زواج او ماما ط§ظ„ظ„ظ‡ يخليها ليا حتا هيا ما عارفه والو كتقول ليا هاد الزمان ماشي بحال زمانا كان كلشي باين و ساهل.
قولو لي اش ندير واش نلبس غ قفطان سامبل او خفيف ولا نلبس تكشيطه بيضه نهار الخطبه واش ندير الماكياج او نصوب شعري ولا نبقا غ بالزيف او فالماكله شنو نديرو ليهم عافاكم قولولي كلشي من الحلوه و الماكله و…….
او حاجه اخرى دابا حنا غنڭلسو الناس في صالونا او صالون جيرانا لي اونفاس معانا واش نديرو في صالونا الرجال ولا لعيالات،
آه حنا عندنا العائله شويا كبيييره او حتا عائلة العريس ايوا علامن نعيط او شكون نخلي حتا العرس مع عندنا شويا الضيق.
ايوا جاوبوني ط§ظ„ظ„ظ‡ يخلي ليكم اللي عزيز عليكم او قولو لي واش خاصني نعطي لحماتي شي كادو ملي يبغيو يمشيو او شنو هوا
ايوا سمحو ليا طولت عليكم و كنتمنا تفيدوني والله يسهل عليكم
شكر ا
lshu]m lk hglj.,[hj , hglo’,fhj pjn hguh.fhj hggi du’d;l lh jldk,j,
الله يكمل عليك بالخير الحبيبة تمنيت نساعدك بصح انا غير قلت ما نخرجش بلا ما ندعي راني ما عارفة والو و الرابط نتمنى يفيدك
اهم حاجة نقولهالك قبل اي شيء المكياج مديريهش محيت هادي خطبة باش انشاءالله فالعرس يلا درتيه يبان التغيير وممكن ديري غير الكريم اما الكحول والباقي بلاش باش تكوني على طبيعتك حاولي تصلي 2 ركعات قبل متخرجي لعند العائلة
ويلا كانت هادي اول مرة غيجيو يهدرو من الاحسن تعرضي على الاقربين اليك ويلا بغيتي تكلسي الناس متفرقين غديري العيالات هما لي تيبقاو فدارك اي دار والديك هههههههه محيت مغتبقاش محسوبة عليهم انشاءالله غتنتقلي المكان الجديد والرجال اختي هما لي يمشيو للدار التانية وبالنسبة للكادو يلا كنتي غتهدي شي حاجة غتاخدي تفصيلة للحماة اما مخيطة اولا على حسب لي بغيتي وحماك غتهديه دراعية ولك الاختيار ويلا كان الجو بارد خودي جلابة
شكرا ليك بزآآآف beauty87 و يا ربي يدوز كلشي بخير ان شاء الله
الله يعطيك ما تمنيتي ليك و لجميع المسلمين يا رب
شكرا ليكم بزآآآف و يا ربي يدوز كلشي بخير ان شاء الله
الله يعطيكم ما تمنيتو ليكم و لجميع المسلمين يا رب