السلام عليكم ط£ط®ظˆط§طھظٹ و عواشر مباركة مسعودة
أخواتي بغيتكم تعطيوني شي نصائح باش نسهل علي الشغل نهار العيد و نقص علي تمارة حيت عندي بنية صغيرة عندها عامين و وليج عندو 10 أشهر تيرضع البزولة و راكم عارفين التربية و الشقا الله يسهل امركم و عواشركم مباركة مسعودة
lshu]m lk Ho,hjd hgph];hj hgph];hm
شوفي الحبيبة انا نصيحتي ليك قضي شغالك كاملين نهار قبل العيد
جمعي الدار
وجدي الحلوى والبلاطو ومسائلهم ليلة العيد وحطي فوق طبلة الصالون وغطيهم
وجدي الشواية والمجمر والقطبان والمواس والشباكي وكل ما غتحتاجيه نهار العيد وحطيهم في السطح خلي كلشي واجد عمدك حتى الخبز عجنيه نهار قبل باش غير تسخني
الصبح دالعيد فيقي بكري رضعي وليدك ولبسيهم وجدي الفطور الى ماكنتوش غتصومو حتى للكبدة خصوصا انتي مع الرضاعة وجدي قوام التقلية في الكوكوت الى كنتي غديريها للغدا وغير ترجعو من الصلاة ذبحو وخلي كلشي قريب حداك في السطح تعاونو انتي وراجلك وخليو الروينة تما من بعد ما تغسلي التقلية هبطيها نصبيها ورجعي
هكدا مغيكونش الشقا وحتى الى بقات شي حاجة غتكون بعيدة في السطح الوقت لي لقيتي تطلعي تجمعي شوية
الله يسهل وكلشي يدوز مزيان
كنشوي الالا فلفلة بحساب شلاظة ،الى كنت غنصلق الخضرة كنوجدها حتى هي ، كنطيب لاصوص مطيشة وكنعقرها مزيان ونديرها في الثلاجة بحساب التقلية ايوا الى كنت غندير كسكسو كنفورو حتى هو مسبقا ، وهذا برنامجي كل عيد اضحى ، غيقولو لبنا هادي زربانة ما كرهاتش تحيد الكرشة ديال الحولي قبل لا يتذبح باش نقيها قبل ههههه ولكن هادشي اللي عطا الله ديما اختكم زربانة