مساعدة في تسير الميزانية

السلام عليكم اخواتي راني عارفكم تبارك الله حادكين بغيتكم تعاونوني في طريقة المسروف انا زوجي ماكيعطينيش فلوس الشهر او سلعة ماكانشريهاش لشهر فينما كاتسالي ليا شيحاجة كانشريها فلوس عندي كاطير زوجي داير ليا 300 درهم لسيمانا بغيت نشيط منها او تكفيني في سيمانا

lshu]m td jsdv hgld.hkdm

مفهمتش مزيان اختي واش هو كيتقدا التموين فاول الشهر و يعطيك300 ديال تقدية الاسبوع منةخضر و لحوم الخ..ولا هاديك 300 داخل فيها حتى التموين من زيت و سكر و دقيق….؟و شحال نتوما فدار؟

اختي دخلي لهاد التجمع لبنات غيفيدوك بزاف https://anaqamaghribia.com/vb/showthread.php?t=426686&p=11284304&posted=1#post11 284304

المشاركة الأصلية كتبت بواسطة siriovana مفهمتش مزيان اختي واش هو كيتقدا التموين فاول الشهر و يعطيك300 ديال تقدية الاسبوع منةخضر و لحوم الخ..ولا هاديك 300 داخل فيها حتى التموين من زيت و سكر و دقيق….؟و شحال نتوما فدار؟ اختي انا ماكنشريش تقديا ديال الشهر كايعطيني 300 درهم في سيمانة كانتقدى منها ليخاصني من تمويل او من الخضرة ديال سيمنة

واخا،و قولي ليا شحال نتوما فالدار؟واش غير نتي و راجلك ولا عندكم وليدات؟

المشاركة الأصلية كتبت بواسطة siriovana واخا،و قولي ليا شحال نتوما فالدار؟واش غير نتي و راجلك ولا عندكم وليدات؟ راجلي كايخدم بعيد كايمشي الاثنين او كايرجع السبت او سبت او الحد كايصرف هوة اما لولاد عندي جوج واحد باقي كايدير ليكوش اما تقدية ديال الشهر ماكانخدهاش فينما كاتسالي ليا شيحاجة كانشريها

المشاركة الأصلية كتبت بواسطة meryemm راجلي كايخدم بعيد كايمشي الاثنين او كايرجع السبت او سبت او الحد كايصرف هوة اما لولاد عندي جوج واحد باقي كايدير ليكوش اما تقدية ديال الشهر ماكانخدهاش فينما كاتسالي ليا شيحاجة كانشريها السلام عليكم اختي عندي وح الاقتراح الا سلكك اولا نتي قلتي راجلك تيصرف السبت او الاحد يعني ماتيدخولش سوق 300 درهم مزيان اولا عدي تهزي 50 درهم من 300 درهم تغبريها عدي تبق اليك 250 درهم عادي تشري اللحم او دجاجة او الحوت ب 100 درهم دخلة فيها واحد نص بلاطو البيض مزيان دبا بقات 100 درهم فيها الدقيق الفرص 3 كيلو ب 15 درهم او الفينو 2 كيلو 15 درهم او القمح+ بقات 20 درهم من 50دره م شري لتر الزيت او التبزيرة .مزيان ارا 50 درهم الاخرى تشري رابعة العدس رابعة الفول رابعة اللوبية تقريبا 20 درهم تبقا ليك 30 درهم هادي حليب . عادي تقو لي لي فينهو ليكوش السكر او اتاي او الخضرة الاخرى عادي نقوليك نتي دبا خصكي تخدمي سلاحك السري مع الراجل خاصو اشري ليك لكوش او الخضر او السكر او اتاي او لباط حيت تيجي لخر السمانة يعني مزيانة ليك اتقد غير ليخصك مشي كلشي . ياربي تكوني فهمتني او هدشي اسلكك خاص غير الصبر او صافي الله اعوناك

المشاركة الأصلية كتبت بواسطة سمية مريم السلام عليكم اختي عندي وح الاقتراح الا سلكك اولا نتي قلتي راجلك تيصرف السبت او الاحد يعني ماتيدخولش سوق 300 درهم مزيان اولا عدي تهزي 50 درهم من 300 درهم تغبريها عدي تبق اليك 250 درهم عادي تشري اللحم او دجاجة او الحوت ب 100 درهم دخلة فيها واحد نص بلاطو البيض مزيان دبا بقات 100 درهم فيها الدقيق الفرص 3 كيلو ب 15 درهم او الفينو 2 كيلو 15 درهم او القمح+ بقات 20 درهم من 50دره م شري لتر الزيت او التبزيرة .مزيان ارا 50 درهم الاخرى تشري رابعة العدس رابعة الفول رابعة اللوبية تقريبا 20 درهم تبقا ليك 30 درهم هادي حليب . عادي تقو لي لي فينهو ليكوش السكر او اتاي او الخضرة الاخرى عادي نقوليك نتي دبا خصكي تخدمي سلاحك السري مع الراجل خاصو اشري ليك لكوش او الخضر او السكر او اتاي او لباط حيت تيجي لخر السمانة يعني مزيانة ليك اتقد غير ليخصك مشي كلشي . ياربي تكوني فهمتني او هدشي اسلكك خاص غير الصبر او صافي الله اعوناك شكرا لك اختي انا دبا فصباح شريت طيحن فورص او قمح اوسميدة او لفورص او لحيب او لكمير او بكية لخميرة تقامت عليا 117 درهم دبا ماغاديش نشري هادشي سيمانة الجاية

السلام عليكم اختي نصيحتي ليك بحكم تجﻻبتي غير انا في الشهر غتقيدي داكشي لي غا تستاهلكي في الاسبوع يعني اليوم اش غاديري الغدا الكسكروط العشا والفطور بطبيعة الحال ديال 5ايام حيت كلتي هو كيصرف السبت والاحد غتحسبي ف ورقة وغاتشوفي وانا متاكدة الى ركزتي مزيان غتشيطي 100 درهم ديري حساب مول الحانوت وهداكشي لي تقداه هو كيفما بغا يكون غادي نفعك ف شي يوم من ايام الاسبوع اعتقد انك فهمتي سبقي الضروريات هي الاولى نتمنى نكون افدتك اختي في الله

كتبت ليك بزاااف و مشا لي كلشي تفقصت المهم نحاول نعاود ليك. كيف تشدي 300 درهم فاول اسبوع غتمشي للحانوت خودي باكية سكر نص اترو زيت باكية اتاي موايان حك عجينة الكف باكية ليكوش كبيرة غتددي ليك جوج سيمانات باكية حليب نيدو+ اترو جافيل واحد دونتيفريس نص كيلو بلبولة نص كيلو عدس جوج صابونات الطوس خمسة دراهم عطرية جوج كيلو دقيق القمح جوج فورص باكية خميرة ملح باكية فرماح صغيرة هادشي غيتقام عليك تقريبا بميتين درهم ولكن ماشي مشكل شحال من حاجة شريتي دابا غتدي ليك،مدة طويلة و غتوفري تمنها من بعد.غتبقى ليك مئة درهم شري خمسين درهم خضرة و،فواكه منوعة على قياسكم متكتريشو و الى بقات شي حاجة من ننسين درهم خوديها دانونات لوليداتك. ونص كيلو سردين خمس دراهم و عشرين درهم لحم و رابعة ستيك لاداند ب 15 درهم و اربع بيضات و اترو حليب عادي و هادشي اللي غطيبي ف خمس ايام طاجين سردين بالخضر طاجين لحم بالخضر ستيك مشرمل و مشوي مع سلطة خضر عدس ديري معاه خيزو و بطاطة طورطية بالخضر كتري الخضرة و نوعيها راه هي المهمة،العشا ديما خفيف بلبولة بالحليب او شوربة خضر او ديرو الكوتي و من بعد عطي لوليداتك،الحليب و الفواكه و دانون غترجع نكمل معاك باقي الاسبوع