مساعدة في التوجيه .

السلام عليكم و رحمة الله

نريدكم أن تعطوا نصائح للحاصلين على البكالوريا و يريدون اكمال دراستهم
لأ ن الأمر جد حساس و صعيب في نفس الوقت خصوصا مع كثرة التخصصات و قلة ط§ظ„طھظˆط¬ظٹظ‡
و خصوصا الواحد إذا تواجد بمحيط ما كايساعدش
و الوالدين أميين كايقولوا : ديروا لي عجبكم ما عندنا باش نفيدوكم" و أي خطوة يقوم بها سترسم ملامح مستقبله
بغينا نصائح باش ما ندموش على الاختيار
و لكم جزيل الشكر

---

lshu]m td hgj,[di>>> hgj,[di

اولا مبروك عليك الحصول على الباكالوريا

وتانيا بغيت نعرف انا شعبة انتي باش نعرفوا الافاق اللي متحاة قدامك ومن بعد نعاونوك في الاختيار

والله يوفق انا غنبقا متبعة هاد الموضوع ديالك لانو في غاية الاهمية

الله يبارك فيك الحبيبة
لهلا يخطيك
شعبة علوم فيزيائية بميزة"جيد" الحمد لله
و صديقتي آداب عصرية بنفس الميزة
أسعدك الله و يسر أمورك

و ما نساش صديقتي حتا هي نفس الشعبة ديالي و بنفس الميزة

تبارك الله عليك

المهم ختيتو انا مازال غير في اولى باك ولكن اكتسبت معلومات على التوجيه

من وجهة نظري الى كان عندك مزيان مع اللغة الفرنسية ديري الطب لانو هو اللي طريقه مضمونة وبما انك بنت ماكيهمش الوقت اللي غتقراي فيه زعما سبع سنين ديال الطب ماشي مشكلة

والى كان عندك مع الحفاظة بزاف نصحك بالكلية لانها هي اللي غتنفعك

والى بغيتي ديري طب قوليها لي باش نعلمك بالميزات دياولها كلها اوكي

الله يعاونك ويعاونا كاملين

الله يبارك فيك ألحبيبة
و نسيتي صحاباتي أشنو تنصحيهم بالنسبة للبنت لي عندها نفس الشعبة و عندها ميزة "جيد" عندها حلم باغة تمشي الخليج أشنو تنصحيها إلى عندك شي فكرة على التخصصات المقبولة هناك وصاحبة آداب عصرية حتا هي باش تنصحيها
حتا الفكرة ديال الطب مزيانة قولي لي الميزات دياولو
حنا جابو لينا موجه قالينا "لي بغا يعمل شي حاجة يعملها" إيوا سمعي
و انت إنا شعبة فيها واش عندك فكرة أشنو باغة تقراي من بعد الباك إن شاء الله و لغير كيف كنا كا نقولو نشدو الباك و ربي يسهل
الله يسر لينا و يسر ليك الأمور

آمين يا ربي يسر لينا امورنا وامور المسلمين كاملين

انتي وصاحبتك عندي ليكم نفس النصيحة اللي عندها علاقة بالطب
واللي كنعرفوا على الطب هو انه دراسة تعتمد على الفهم والحفظ ولكن الفهم هو اللي بالدرجة الاولى
بالاضافة على داكشي اللي سمعت مكيهمش بزاف يكون عندك مع الفرنسية لحقاش الفرنسية اللي فتبداي تقرايها متعلقة غير بالطب والمصطلحات الطبية يعني مع المدة عادا تتعودي عليها
وهي دراسة مشوقة لحقاش كتهتم بجسمك وكتشوقي باش تعرفي شنو كيطرا فيه

انشاء الله غنحط موضوع خاص بدراسة الطب هاد النهار

بالنسبة لصاحبتك معنديش شي فكرة على الافاق ديال الشعبة ديالها

وانا دايرة هاد العام علوم رياضية ولكن غاادا نقلبها علوم فيزيائية السنة ديال الباك لحقاش عييت هاد السنة بزاف بغيت نكون مرتاحة وانا كندرس في الباك

والله يوفق

بالمناسبة ملي انتي علوم فيزيائية عفاك قوليلي الطريقة اللي كنتي متبعها لحقاش من بعد انا بغيت ندير الطب
وباغا نشد الباك بنقطة ممتازة انشاء الله