السلام عليكم
الله يجازيكم شرحوليا راني مافاهمة والو
انشاءالله غادى مسافرة تركيا غير بوحدي يعني مغداش مع وكالة سياحية
وكيف ما سمعت اني ممكن نسافر بلا حتى مشكل حيت ماكاينش لفيزا بيناتنا
سؤالي انا مغديش نقطع تذكرة طيران من هنا كنعرف ناس غادي يقطعو ليا من بلاد عربية تانية وغادي يسيفطو ليا الحجز اما عن طريق الايميل او الفاكس
واش ملي نمشي لمطار خاصني ناخذ معايا لحجز لي غادي يوصلني او هما غادي يقلبو ويلقاوني حاجزة مضحكوش عليا ولكن والله مفهمت هادشئ كيفاش غادي يكون
قولوليا اش خاصني ندير ملي نمشي لمطار واش يمكن يعكسو ليا ولا لا
واش مكاين مشكل نسافر بهاد الطريقة
جاوبوني عافاكم راه غادي صباح غادي يقطعو ليا التذكرة
الله يجازيكم كل خير
lshu]m uh[gm fow,w p[. j`h;v lk fg] ehkdm hggi dvpl hg,hg]dk eg[ dow
الله يجازيكم كل خير وييسر اموركم ويحفظكم من كل شر
عادي نمشي ليها بلا رحلة منظمة
الحمد لله اكيف ما قالو ليك الاخوات انه ماشي مشكل ممكن تسافري بالصورة ديال التذكرة يعني يا إما يبعثها ليك بالفاكس او الايمايل المهم تكون واضحة يعني الاسم ديالك والارقام يكونوا واضحين يعني باينين في الكتبة ماشي باهتين من هاذ المسألة ماعندك مناش تخافي الله ييسر ليك الامورغير نصيحة بغيت نعطيها ليك لو مافيها حتى تدخل في حياتك لأن الدين نصيحة واحنا اخوات في الاسلام لازم نصحوا بعضياتنا غير بغيت نقوليك انك تردي بالك مزيان وتحضي راسك في جميع الأحوال لأنك مسافرة بوحدك لبلد اول مرة تسافري ليها ومكتعرفي حتى واحد يعني كوني لالة مولاتي وباسبورك ووراقك جمعيهم وما تعطيهم لحتى واحد ومن الافضل تعملي فوطوكوبي لجميع الاوراق ديالك احتياط، هي تركيا بلد زوينة بزاف وفيها ما يتشاف حسب اللي حكاوا ليا اللي مشاو زاروها .
الله يوفقك ورحلة سعيدة وتمشي وترجعي بألف سلامة وما تنسايش دعاء السفر وفي أمان الله وحفظه.
وشكرا لاجاباتكم ودعواتكم معي
الله ييسر لكم اموركم
انا سبقلي مشيت لتركيا بلاد غزالة ولكنكنت مع زوجي و اولادي سمحلي ادا تدخلت فشؤونك و لكن الصراحة انا كنخاف على البنات لي كيسافرو بحدهم حيث ادا منع الرسول صلى الله عليه و سلم المراة ما تسافرش بحدها الا حماية لها
المهم انا قلت لي فبالي حيث شحال من بنت تم التغرير بها
بغيتيني انا موجودة غير أختي ما تقيش بزاف و خد حدركي مليوووووووووون مرة و اخيرة الله يحفظك من اولاد الحرام