مساعدة بخصوص الفتق عند الرضيع

السلام عليكم
الله يجازيكم بالخير بنتي ملي كان عندها شهر كانت كتنفخ لها شي حاجة بحال ولسيسة فجدر د فخدها قالي الطبيب هاداك راه ط§ظ„ظپطھظ‚ وخاصو يتحيد ملي دير 6 شهور دابا عند بنتي خمس شهور ومبقاش كيتنفخلها ومع ذلك قالي الطبيب خاصها العملية
معرفتش واش غير الطبيب باغي الفلوس او لا بالصح خاصها عملية
شفت جوج اطباء وبزوج قالولي العملية وانا خفت
شكون فيكم دارتها لولدها او بنتها تفيدني

---

lshu]m fow,w hgtjr uk] hgvqdu

الله يشفيها ويطمنك اعليها ان شاء الله
هذه بعض المعلومات نقلتها لك حتى تطمني

هل يشفى الطفل تلقائياً بعد فترة من الزمن؟ لا، على العكس كلما تأخر التدخل العلاجي كلما كبر الفتق و ازداد احتمال حدوث المضاعفات التي يتسبب فيها.

ما هي خطورة التدخل الجراحي لعلاجه و هل يوجد علاج أخر غير الجراحة؟
تعتبر المضاعفات الجراحيّة نادرة جداً في حال إجرائها من قبل جراح متخصص في الأطفال.

كيف يتم التدخل الجراحي لعلاج تلك الحالات؟
تستغرق تلك العمليّة عادةً اقل من نصف ساعة، يخرج المريض بعدها إلى المنزل في نفس اليوم حالما تتم إفاقته من التخدير (البنج) و يستخدم الباراسيتامول (مخفض الحرارة) لتسكين الألم بعد العمليّة.

انا اختي مريت من نفس التجربة ديالك مع ولدي حتا هو كان فيه الفتق فنفس البلاصة ديال بنتك الله احفضها ومشيت بدل الطبيب جوج وضياقت عليا الارض حيت كنت خايفة بزااف على ولدي من البنج خاصة وان وزنو قليل وتشجعت اخيرا وتوكلت على الله وخديت موعد مع الطبيب الجراح فالكلينيك وقالي ديريلو شي تحاليل وراديو ديال الصدر. ونهار العملية ربي عطاني الصبر والحمد لله مخيبنيش دازت العملية فاحسن الضروف استغرقت حوالي 40 دقيقة حيت ختنتو فنفس الوقت محدو مبنج وكان هادشي قبل مايقفل عام بشي اسبوع هاكاك. والحمد لله تمحنت واحد جوج سوايع من بعد العملية ولكن من بعد ارتاحييييييت . بدا يلعب بسلامتو من النهار التالت غي حيت كان مختن اما كينوضو قبل هادشي ماكان اختي غي توكلي على الله راه الفتق ماكايمشيش ويلا بغيتي شي استفسار انا موجودة وحاااسة بيك والله اشافيلك الكتكوتة وتشوفيها كي بغيتي ان شاء الله

شكرا اختي بزاف الله يجازيك بالخير طمنتييييني الله يطمنك ويخلي ليك وليدك

انا اختي اللي خالعني هو داك الشوكة والسيروم والوليدات مكيكونش باين عندهم العرق وغادي تدخل بوحدها للبلوك غادي تخلع هادشي لي ضارني فقلبي

اختي ماتخافي والو الى جينا نفكرو فالتفاصيل هالبنج هاالشوكة والسيروم وزيز اوزيد را مغنحايدوش لوليداتنا الضر. توكلي على الله ومتفكريش بزاف فالتفاصيل. خوديها لشي طبيب جراح معروف وغايدوز كلشي بخير, انا نهار العملية كان صايم مسكين وجاع ماقديتش نعطيلو حتى الما حيت دار العملية بالعشية وملي وصلت وقت العملية دخلوه وغلقو غرفة العمليات مشفت والو مسمعت والو حتى جابوهلي وهو كيفيق من البنج.الصراحة بكا بزاف وبقا كيحرك السيروم ويفركل برجليه حتى جات الفرملية حيداتولو وخلات غي بلاصتو لاصق فوق من الصبع على حساب الدوا.وغي دازو ديك جوج سوايع صافي بقا كيلعب بالالعاب ويضحك بحال الى ماداز عليه والووو.غي ماناض حتى النهار التالت حيت ختنتو, وحتى الفاصمة ماكاتحايدش حتى يحيدلو الطبيب الخيط بعد اسبوع والله ايشافيها وطمنينا عليها وان شاء الله يكون هادشي غي تعاويد

الله ياربي الله هي غادي نجوعها مسكية عاد تفتح ياربي السلامة انا يمكن غادي نديرهالها فالشيخ زايد
والله بغيت غير امتا نديرهالها ونتفك مكنعسش بالليل نبات نخمم
ياربي يدوز كولشي بيخير وعلى خير

أختي أسماء ماتخافيش راه ماغايكون غير الخير إن شاء الله ودعواتنا معها بالشفاء العاجل وبمرور العملية بخير وعلى خير،،،

يا لحبيبة را خاص ضروري من الصيام فاي عملية ولو كانت بسيطة باش ميتقياوش وحتى الوليدات مكيستتناوش من هاد القاعدة والصيام اقل حاجة ستة سوايع. انا كنت درتهالو بالعشية وقالي الدكتور فطريه فالصباح بكري بسيريلاك باش مايجوعش ومسكين بقا هاكاك حتى العصر. انتينا مين تعولي غادي تسوليه امتا تعطيها اخر وجبة حيت الغالبية دلعمليات كيكونو فالصباح مع 8. تنقولك وتنعاودلك ياختي ماعندك ما تخافي راها عملية جد بسيطة وراني كنت كتر منك كنترعد غي بوحدي ولوكان كنت عارفاها من قبل بهاد السهولة والله ما نخمم كاع. الله يشافيها

امين ياربي الله يجازيك يالخير على اهتمامك ودعواتك وربي يحفظ ليك وليداتك