مساعدة بخصوص الرخام

السلام عليكم و رحمة الله و بركاته
أنا بنيت داري و بغيت ندير ط§ظ„ط±ط®ط§ظ… لكوزينة مشيت نسول عليه لقيت بزاف دالانواع و كاين اللي قالت لي السيدة اللي تتبيع راه ما خصك تقيسيه لا بالتيد ولاجافيل باش يبقا مزيان (ايوا كيندير لكوزينة بلا تيد بلا جافيل مستحييييييييييييييييل)
بغيتكم الله يجازيكم بخير تساعدوني و توريوني اشمن نوع ندير و يستحمل الشقا ديال المغربيات وايلا كان ممكن كاع شي صور واللي دايراه تكوليا كيفاش كتعتني بيه
و سمحو ليا على الطالة و التبرزييييييييييييط راه عارفة راسي فالدار لكبيرة
و شكرااااااا

---

lshu]m fow,w hgvohl hgv[hx

اختي دخلت غير باش نقولك الله يعطيك اللي فيه الخير
وانا راه عندي الرخام في الكوزينة كنغسلو بالتيد وجافيل وكيخرج كيشعل
وكذلك يمكن ليك تغسليه بالحامض والملحة تشوفي فيه وجهك
اللهم يسر

شكرا اختي الفردوس غايتي على الرد ديالك
بارك الله فيك و جزاك خير الجزاء

oum isma3il
ا
لله يعاونك وتشوفي دارك كيف تمناي عندي واحد الطلب بغيتك تعطيني معلومات على البني بشحال طلع عليك وشحال من طبقة وشحال الميساحة الله يجازيك بالخير

مساء الخير لحبيبة ديالي انا دايرة رخام لكوزينتي ولكن ملي تمشي تشري الرخام قولي لمولاه يعطيك لغرانيت granit كيكون فيه نقط وفيه الالوان هو لي دايرة للمطبخ وكل ما تغسل كيولي كيشعل نتمى نكون فدتك والله يكمل ليك بالخير راه معرفتش نزل ليك الصورة

السلام عليكم كما قالت ليك الاخhanan -80-20 الى مشيتي عند مولرخام قوليلو اعطيك الكرانيت راه كيدير
600 درهم لمترو راه كما بغيتي تغسليه كيبقا كما هو
الله يسر ليك وكمل لك بالخير

hanan و rosita شكرا جزييييييييييييييييييلا على المعلومات الله يعطيكم ما تتمناو
fatamtam اختي انا بنيت دابا غير السفلي باش نخرج من الكرا ما مرتاحاش فيه و المساحة عندي 84 متر مربع
أما لبني أختي راه كل حاجة و تمانها و كلشي بالمتر لبريك كيتحسب بوحدو و السوارت بوحدهوم و الطابلة بوحدها و المرطوب بوحدو و الزليج بوحدو و الضالة بوحدها
السلعة انتي و ذوقك و جهدك كاين الاشكال و المركات و كل حاجة و ثمانها والبناي كل واحد باش تيحسب خدمتو
اما الاثمنة بالضبط اختي ما بقيتش عاقلا عليهم مزيان حيت راجلي هو اللي مكلف بالدفع اما انا غير تنختارههههههههههه يلا بغيتي الاثمنة نسولو و نرد عليك.

اهلا اختي انا شريت الرخام كرانيت تقريبا 800درهم للمتر مربع داخل فيه تركاب كيجي اللي باع لي الرخام هو اللي ركبه ي والمطبخ تقام لي تقريبا شي 3000 درهم خدم مهار واحد من 8ا حتى 10الليل وخدا معاه 3000درهم وانا نخدم الشهر كامل ويارب نجمعها ههههههههههههههههه

و الله اختي يلا عندك الصح
بالحق فاش تدخلي لكوزينتك و تبداي تخدمي فيها و توجدي شي شهيوات كتكولي ماشي خسارة
أنا حتى كنت غندير غير الزليج حيت جاني الرخام غالي شوي و مع البني ما بقا لينا تاريال فالجيب وعيينا فالكرا لا راحة فالدار و لا مع الجيران. و لكن صحاباتي شجعوني على الرخام و قالو لي واخا تصبري حتى تديريه عاد تسكني وانا نقول عندهم الحق بنيتي بنيتي ديري شي حاجة مزيانة