مساعدة بخصوص الرايب المنزلي

السلام اخواتي
الله يكرمكم بغيت شي مقادير مجربة و ناجحة للرايب ديال الدار عييت منجرب فالمقادير كل مرة وصفة فشكل و تيجيني خفيف و ماشي خاثر بزااف
الله يجعلو فميزان حسناتكم

---

lshu]m fow,w hgvhdf hglk.gd

مرحبا أختي نعطيك مقادير ساهلة ومضبوطة بشرط تبعيهوم بالحرف أنا هدا ماكايخطانيش من الدار
1لتر الحليب+دانون فاني+4معالق سنيدة+2معالق كبار ديال نيدو
كاديري نصف لتر الحليب يطيب وكاتشدي النص الاخر +دانون +سنيدة +2معالق نيدو وتخلطيهوم مزيان فمولينكس
وتخويهوم فشي كاسرونة وتخوي من فوق منهوم داك الحليب ليطاب وتحركي كولشي وتخويه فالكويسات
المهم هادشي كايخرجلي 7 كيسان العنبة عامرين حتى للفم
وتستفيهوم فكوكوط وتخوي فيها ما طاااااااااايب عنداكي تعمريها حتى يطلع الماء على الكيسان يكون هابط عليهوم شوية
وسديها وديريليها الصفارة ولويها فشي مانطة وخليها 24ساعة وحليها انشاء الله غاترضيك النتيجة ودعي معايا بالدرية الصالحة والرزق الحلال
أي سؤال أنا في الخدمة

السلام عليكم ورحمة الله وبركاته

شوفي اختى هاد الحمد لله جربوه الاخوات ونتيجة كانت جيدة
https://www.anaqamaghribia.com/vb/sho…E1%D1%C7%ED%C8

وشكون شكار لعروس ؟؟ هههههههه

بصحتك مسيقا
في امان الله

سمحيلي اختي عاد كتب الله و دخلت للمنتدى اليوم الله يكرمك دنيا و اخرة و يفرحني و يفرحك بالذرية الصالحة فالقريب العاجل يارب امين

الله يجازيك بالخير اختي على اهتمامك و يحقق امانيك يااارب