مسابقة تجمع شد ونحت الجسم مع شمعة مضيئة

المجال الثاني الرياضة
كل وحدة اتنقط على دكشي لكتبات فالبطاقة ديالها
(وبالنسبة للانيقات لديرين الشريد اتكون عندهم راحة نهار 10منوا ادا نهار11يديروا المشي او تيفاني وتحط ملاحظة تتبين انه هداك النهار هو رقم11فالشريد اي استفسارعلى الموضوع اتلقاوه فالدردشة)
المجال التالث الرجيم
كل انيقة اتكتب نوع الرجيم لمتبعة مثلا اللقيمات .الصيام العكسي.التخفيف.كل وقيس …
وغادي تنقط على داك الاساس
دابة المجال ديال الحداكة
لحداكة والتاوويل =
التخمال الركاني وحكان الماعن وداكشي لي ف شغل الدار لمتنديروهش اتخد 5النقط واخة ما اتديرش الصنعة
فهمتوا
الا شي انيقة حطات ديكور او شي حاجة صنع يديها راه اتخد 5نقط
واخة متخملش

راه ماشي ضروري ديري الصنعة كاينين لراسهم تقيل فالصنعة وكاينيين لمعندهمش فين يشريو المواد المستعملة او ماشي في استطاعتهم ماديا
دابة تنتمنى نكون شرحت
الانيقة لاتحط الفكرة مستقلة ماتخدش عليها النقط تاديرها فالتقرير ديالها عاد عندها5نقط

اما الاعمال العادية كبحال التصبين+العجين الطياب العادي اتخد0نقطة حنا بغينا نتشجعوا ونضفوا دارنا
مجال التجميل
ايتحسب الماسكات فقط اتقولي ماشي مزيان ندير ماسك كل نهار
انقول ليك راه الا درتي كل نهار بلاصة ماشي مشكيل مثلا
نهار ماسك لشعر نهار لرجلين نهار للجسم نهار للوجه نهار كمادات للعينين نهار لليدين …وزيد
ماتجي السيمانة فين دور تتكوني دزتي على كولشي
حنا مبغيناش نهتموا بالرجيم والرياضة فقط تنوليو كبحال هادي

ونبقاو نقولوا راه مكنتش مسالية ديتها عف الرجيم والرياضة حنا بغينا كولشي .والتجميل اليومي كبحال دوش او ترطيب بكريم او مكياج ممحسوبش اتخدي 0نقطة
نهار الاحد عطلة من الرياضة باش الجسم يرتاح وياخد شحنة للاسبوع المقبل ومن التجميل والحداكة التقيلة ماشي نهار يجلس الراجل عاد بان ليك نتي تجمعي وديري الماسك
وماشي عطلة من واجب العبادات حيت حنا منديروهش على ود النقط حنا دايرينوا باش نتنافسوا فيه ونشجعوا بعضنا والاجر من الله
والرجيم تهو اتكملي عليه مديريش عطلة فيه الا تعرضتي او كليتي على برا خففي الماكلة
ونهار الاحد ماشي مجبرة تحطي التقرير حيت ميتحسبش ليك

نهار الاحد عطلة تهلاي فشهريار وخرجي الوليدات يلعبوا



طريقة التنقيط والاوسمة




الجوائز هي اولا
صحتك ورشاقتك
ثم
الاوسمة هاهي

كل مشاركة مجبرة تحط الوسام لربحات طيلة الاسبوع

–كل يوم احد انجمعوا النقط ونهار الاثنين تاخدوا الاوسمة ديالكم
–كل مشاركة عندها ظروف مثلا الضياف الدورة الشهرية المرض اي ضرف كان
حنا اندعيو ليك ونصحوك ونعاونوك ويني فالتنقيط اتخدي صفر
والسبب باش منحلوش باب الاعذار لغدي يزيدنا عكسل فقط
–مدة التقرير يومين اخر اجل يومين فقط وهدا تحسبا
لظروف المشاركات
–انا المكلفة بالتنقيط والكتابة بالاحمر باش ميترونش الموضوع والانيقة فاتي2019 في حال غيابي باش منتسببش فوقف المسابقة
–الانيقة فاتي 2024تصلح لية تقاريري باش منتكاسلش
–كل مشاركة مجبرة تحط التوقيع ديال التجمع هاهو
ديري ليه كوبي كولي


–الوزن لأينقص من المشاركة مداخلش فالتنقيط السبب هو انه معانا انيقات حاملات ادا ايتزاد ليهم وزن البيبي وكاينين اجسام بطيئة فالحرق واخة تكون الانيقة ملتزمة وهدشي غادي يحطمها
كل مشتركة تحط هاد البطاقة


الوزن:

نوع الريجيم:

هاد البطاقة التعريفية لكل مشاركة
خصها كل يوم اثنين تحط وحدة باش الا بغات تغير شي حاجة باش نعرفوا شكون معانا وشكون نسحب وكل مشاركة جديدة تحطها يوم الاتنين

وعفاكم هاد الموضوع لتقارير فقط