السلام عليكم ورحمة ط§ظ„ظ„ظ‡ وبركاته
كيدايرات حبيباتي أحلى أنيقات وطباخات 🙂
صراحة ماعرفتش فين ندير موضوعي بالضبط ومالقيت أنسب من فرع السلطات والمقبلات ههههههه
المهم و أنا كانتغدى في ط§ظ„ط®ط¯ظ…ط© ليوم وفاتحة أناقة عربية كالعادة قررت ننزل ليكم صورة للوجبة ديالي باش ديبانيت على مانمشي للدار 🙂
– كنت كانكوموندي الغدا من بره مرة مرة ولكن واحد النهار شوية ما مت بالخلعة من بعد ماحسيت بألم في المعدة ديالي كايصحابني جاني تسمم غير ربي حفظ ومن تم كانفضل نخربق اي حاجة في الدار ولا ناكل من بره –
تفضلو باسم ط§ظ„ظ„ظ‡ وبلا ما تضحكو على الطبق ديالي 🙂
المهم الطبق عبارة عن :
– دجاج مقلي و متبل بمليحة وبزار والزعتر اللي كايحمقني
– كورجيت مقلية وحتى هي كانموت عليها
– فريت
– سلطة بالخيار والخس و الزيتون الكحل
راه كاندير خربيقة زربيقة غير اللي تشهيتها كانديرها واخا لا علاقة بحال الشلاضة اللي فيها الخيار ومطشية والزيتون الكحل كايعجبني وزدتو عليها 🙂
و على فكرة أصعب حاجة كانعاني منها في الليل هي اشنو غادي ندير للغدا حيت ماكانحملش نكرر الحاجة والى درتها واحد المرة مانعاودهاش مدة حتى نساها
ولكن صراحة كانتفنن في غديوتي خصوصا الديكور حيت كاناكل بالعينين غير اليوم نسيت الكيتشاب ما جبتهاش و الخس وريقات كانفرشو
الى ماكانتش الحاجة مديكوريا كاتسد ليا الشهية 🙁
ديما كانصور غدايا وملي كانمشي للدار كايهز ليا خويا الصغير البورطابل وكايشوف التصاور وكايقوليا ياكي ماخليتيش ليا حقي ؟ ! غداك كاتديريه زوين وكاتاكلي في ط§ظ„ط®ط¯ظ…ط© وماما كاتخلي ليك غداك تاني ايوا الا لة انتي اللي مبرعة فينا ههههههههههه
المهم سمحو ليا هرست ليكوم راسكوم بالبلابلا
يلاه خليتكوم على خير الحبيبات وما تنساوش التقييم هههههههههههه <<<< على زين ديك الروينة 🙂
::L lvpfh fd; pfdfm td ‘fr ]dfhkh[ ugn lhjov[d lk hgo]lm L:: Hojd hggi ]dhg d]d; ;gad
بالصحة والراحة
المشاركة الأصلية كتبت بواسطة *يارب اكون ام* 
بالصحة والراحة
الله يعطيك الصحة حبيبة ويعطيك الذرية الصالحة ان شاء الله
بالصحة والراحة