lailakamil
04 02 09
[/glow1]
[frame="8 10"]
حبيباتي اليوم جبت ليكم نوع من المقبلات الجد شهيرة بإسبانيا أي تجمع لازم يحضرو فيه هذا المقبل وهو الكروكيتاس أو لي كروكي باللغة الفرنسية نبداو بسم الله
المقادير:
الزبدة
الدقيق
الحليب
ضريسات الثوم
الفرماج الأحمردجاج مسلوق
البيض الشابلير الزيت للقلي
الطريقة:
تنديروا الزبدة تذوب في مقلاة ونحمرو فيها الثوم المدقوق
تنزيدو الدقيق ونحمروه شوية
نزيدو عليهم الدجاج المفتت
من بعد نبداو نزيدو الحليب شيئا فشيئا مع التحريك المستمر
تنزيدو الملح وشوية الإبزار ونستمو في التحريك حتى نحصلو على بيشاميل عاقدة مزيان
نوضعوها في وعائ زجاجي مسطح وندخلوها تبرد في الثلاجة
منين تكون شوية بردت نخرجوها ونخلطوا معاها الفرماج مقطع رقيق
وتنرجعوها للثلاجة حتى تبرد مزيان منين تبرد نكونو وجدنا أواني بهم الدقيق البيض والشابلير
تناخدو العجين السابق تنبداو نشكلو في أصابع تندوزوها في الدقيق
ثم البيض
و أخيرا في الشابلير
من بعد تنديروهم يتقلاو في زيت حامي على نار متوسطة ما تكونش هادئة
وتنقدموهم بالصحة والعافية بعد ما نكونو قطرناهم من الزيت فوق ورق نشاف
إذا حبيتو ممكن تجمدوهم من بعد ما تدوزوهم في الدقيق البيض والشابلير ووقتما ما حبيتو تجبدو الحبات اللي بغيتو تقليوهم مجمدين وهذه هي الخطوات اللازمة في هذه الحالة :
تتفرشوا الفيلم الغذائي في طبق وتنرشوه بالشابلير وتنصفو فوقه الكروكيتاس
بين فرشة وأخرى نديرو الفيلم الغذائي و أخيرا نغطيوهم وندخلوهم المجمد لمدة 6 ساعات ونجبدوهم ونوضعوهم في بلاستيكة حتى الوقت اللي نحتاجوهم
[/frame]
lvpfh fd;l j`,r, wkhdu Yd]d lk hgl’fo hgYsfhkd fhgo’,hj ,hgw,v s,hdu Yp]n
تبارك الله عليك جاوك ممتازين الله اعطيك الصحة
تبارك الله عليك ونقصتي علينا حتى تمارة غير جبد من المجمد و قلي هههههه
شكرا
المشاركة الأصلية كتبت بواسطة myriama 
تبارك الله عليك جاوك ممتازين الله اعطيك الصحة
الله يبارك فيك الزين ديالي ياك التطبيق بعد هو هذاك
المشاركة الأصلية كتبت بواسطة didou86 ربي يخلي لينا الكتكوتة الحادكة ديالنا راه ما كاين كاع شي غزالة من غيرك
باينة لذذذذذذيذذذة بزاف تبارك الله عليك كماا لعادة اطباقك روعة
[/glow]
المشاركة الأصلية كتبت بواسطة محبة الخير تبارك الله عليك ونقصتي علينا حتى تمارة غير جبد من المجمد و قلي هههههه
شكرا
راه هداك الحبيبة علاش تيحمقوني تنديرهم مرة مقلا في الشهر وعندي عشا شحال من مرة واللذة خلاص ما نقولش ليك
المشاركة الأصلية كتبت بواسطة fatimataa ربي يخليك الحبية راه فعلا تيجيو لذاذ بزاف