مرة اخرى السمك لكن هاد المرة معمر شهوة منه ,,,,, مرحبا بيكم

اليوم جبيتلكم صينية الحوت فالفرن ظ…ط¹ظ…ط± و مشرمل و حااااااااااار
ان شاء الله يعجبكم

اختارو سمكة حجم كبير
انا كنفضل نفتحها من الضهر و نزوليها الشوك ديالها
يعني العمود الفقري كامل
كنخلي غير الهبرة:D

غسلوها مزيان و حيدوليها الشوائب ديالها الي فكرشها و حتى فراسها لكن حاولو تحتافضوا بيها صحيحة

الا معرفتيوش ما عليكم غير ببائع ط§ظ„ط³ظ…ظƒ هو يتكفل بالمهمة
او فتحوها كيف العادة من كرشها و زولوليها الشوك و نقيوها من الشوك الصغير مزيان
اولا عيطوليا لكن عولوا علي غنعرض راسي عندكم هههه;)

حضروا شرمولة عادية
قزبر و معدنوس و ثوم و كمون و تحميرة و السودانية و الملح مدقوقين مزيان و ضيفوليهم عصير حامضة و شي 4 ملاعق زيت

نصف هاد الشرمولة دوزوها عالحوتة مزيان و خليوها ترتاح بين ما حضرتوا الحشو

الحشو عبارة عن روز مسلوق نصف سلقة
اختاري الروز العادي الا عملتي الكلاصي خاصه يتصلق سلقة الا ربع
او عوضوه بالشعرية الصينية حتى هي كيجي بيها لديد
المهم زيدو الشرمولة الي بقات على الروز و زيدوليه الزيتون مقطع بلا عظم طبعا
عندكم توحلوها لشي حد هههه:D
و زيدوا ربع حامضة مصيرة مقطعرة طريفات
و حبة مطيشة مقطعة صغير و مزول ليها الزريعة ممكن تستغنيو عليه عاودو زيدوا شوية العطرية ا و تهلاولي فالحار هههه

عمروا الحوتة بهاد الحشوة

فصينية عملوا شوية دصوص مطيشة طايبة حتى هي مع شوية الشرمولة
و عملوا فوقها الحوتة و دوروا عليها دوائر البطاطا مسلوقة نص سلقة
و زينوها بالحامض و رسلوها للفرن من 45 الى ساعة حسب حجم الحوتة الي عندكم

خليو شوي دصلصة الطماطم زيدو فيها نصف كاس الماء و مرة مرة سقيو الحوتة بيه و متنساوش شي طريفات دالزبدة باش تبق رطبة و كتعطيها بنة زوينة

شوفوا الرز كيف نفخ و كمل على طيابه

و هنا عن قرب

و بصحتكم الغزالات