السلام عليكم ورحمة الله اليوم جبت ليكم وصفة جميلة لمربى الموز نتمنى تعجبكم وتجربوها ما حد البنان موجود ورخيص هده الايام …بلا ما نطول عليكم ندخلو الموضوع
المقادير
1كلغ من الموز اي البنان
غ750 سكر سنيدة
عصير 2حامضات
كاس ديال الماء
الطريقة
كنقشرو البنان ونزولو ليه دوك الخيوط اللي كتكون في اللب ديالو كنقطعوه دواور صغيرة ونعملوه فشي اناء مع كاس الماء وعصير الحامض والسكر.
نقطعو قشور الحامض قطع رقيقة ونعملوها فشي قطعة ديال الثوب نقيقية وتربط.
نعملو الاناء فوق العافية حتى يغلي عاد نعملو فيه ديك الربيطة ديال التوب اللي فيها الحامض….نخليوه يغلى واحد 3 ديال الدقايق…نحيدو الاناء من فوق النار نغطيوه ونخليوه واد 12 ساعة….نعاودو نرجعوه فوق العافية يغلى مدة 15دقيقة تقريبا نحيدو ديك الربطة ديال التوب بعد ما نعصروها مزيان بشي معلقة قبل ما نطفيو العافية بشي5 دقائق نخليو المربى يبرد ونعملوها في شي قرعة من بعد التلاجة وبالصحة والراحة …
نتمنى نكون وصلت الفكرة مزيان جربوها وردو علي الخبار كيجي لديد ومختلف مرة اخرى بالصحة والراحة
ملاحظة
بالنسبة للبنان خاصو يكون جيد مشي طايب اما بالنسبة للسكر يمكن تعملو اقل من هده الكمية على حسب الدوق ديالك
lvfn hgl,.L hgfkhkL hgl,. or hgfkhk or
المشاركة الأصلية كتبت بواسطة romayesaa 
بالصحة والراحة اسعدني مرورك
المشاركة الأصلية كتبت بواسطة romayesaa بالصحة والراحة اسعدني مرورك حبيبتي
