بتاريخه
لبنات لي كيعشقو ط§ظ„طط§ظ…ط¶ بحالي جبت ليكم كونفتير حلو وزوين و جديد مزال في ميكتو هههه…كونفتير واشمن كونفتير ..غدي ترحموني عليه وخا حية هههه…وتدعيو مع ميمتي بالشفاء العاجل ومع وليداتي بالصلاح والتوفيق
تبعوني ونتوما تجيبوه في صواب …
يا بسم الله يا معين
المقادير
كما توضح الصور 4 حامضات كبار وصحاح وصفراوات اللون ضروري جدا باش ما يجيش الكونفتير مر
لتر ماء
كيلو سنيدة
الطريقة جد بسيطة وعملية وماتخدش كثير وقت
في كوكوط كنحطو الحامضات صحاح مع لتر ماء ونسدو كوكوت وغير تبدا تصفر نحسبو الوقت ربع ساعة فقط ولا غير من بعد نفتحو كوكوت وناخدو الحمضات نحلوهم ونزولو منها العظام ونحطوهم في مولنكس ونطحنوهم مزيان ونرجعوهم لكوكوط ونزيدو سنيدة نحرك مزيان ونشعل عليهم ونخليهم يغلاو ونبقى نحرك كل مرة بلا ما نسهى عليهم حتى نحس بالخليط بدا يتقال في يدي نكثف التحريك المدة متفوتش 20 دقيقة والنار عينك ميزانك مرة ناقصة مرة متوسطة باش نتاكد اختي انو المربى ديالي طابت غدي تتكون فوق المربى قشرة شفافة نطفي النار ونصبو وهو مزال سخون في قريعات معقمين وشهية طيبة اختي
lvfn hggdl,k hgphlq
تبارك الله عليك لطوف جاك فنن و كيشهي و حتى انا من عشاق الحامض مممممم
التقييم الغالب الله
الله يصلح لك وليداتك و يفرحك بهم و يشافي ليك الميمة و يطول ربي فعمرها
الله يعطيك الصحة
الله يهدي ليك الوليدات ويشوف من حال الميمة ويحفظها ليك
عن طريق : samsung – GT-I9300
و الله يشافي لك الوالدة و يحفظ لك وليداتك و يخلي لك صحيحتك
المشاركة الأصلية كتبت بواسطة غفرانك ربي 3 
تبارك الله عليك لطوف جاك فنن و كيشهي و حتى انا من عشاق الحامض مممممم
التقييم الغالب الله
الله يصلح لك وليداتك و يفرحك بهم و يشافي ليك الميمة و يطول ربي فعمرها
هههههه تي شكون قالها ليك ؟ هههه
يا مرحبا بصحيبتي اش خبارك خودي لحبيبة القرعة لي حب الخاطر تستاهلي
التقييم ما بيناتناش ههههه وحتى داك الاعجاب لي كنا متاكلين عليه طار هههههه
المشاركة الأصلية كتبت بواسطة أم البنين3 الله يعطيك الصحة
ربي يخليك اختي ام البنين غير نشوفك نتفكر ام البنات هههه
الله يبارك فيك وفي صحيحتك ايه راه غزال ولديد