في أول مشاركة ليا في منتدى الأشغال اليدوية بغيت نوريكم ظ…ط±ط§ظٹط© صاوبتها ط¨ط§ظ„ظ…ط¹ط§ظ„ظ‚ ط¯ظٹط§ظ„ ط§ظ„ط¨ظ„ط§ط³طھظٹظƒ
ما صورتهاش ملي كنت كانصاوبها حيت ماكنتش كنعرف المنتدى لكن لي عجباتها وبغات دير بحالها نشرح ليها المراحل بالتفصيل بكل فرح
نتمنى تعجبكم وتقبلوني معاكم في هاد القسم المليء بالمبدعات ما شاء الله
lvhdm fhgluhgr ]dhg hgfghsjd;
شكرا جزيلا أخواتي على التشجيع الله يبارك فيكم ويبارك ليكم فكل حاجة درتو فيها يديكم
ختي إتران على الرحب والسعة نشرح ليك وللأنيقات طريقة تزيين هاد المراية وراها ساهلة
أولا : شنو غادي نحتاجو؟
– مراية (الشكل والحجم لي بغيتي) أنا هنا خديتها دائرية متوسطة حيت كانت غير كاتلاوح فدار بعدما تهرس ليها الكادر ديال البلاستيك هههه
ممكن تعوضي المراية بأي صورة أو آية قرآنية مكتوبة غير لصقيها على كرتونة سميكة عاد خدمي بيها
– معالق ديال بلاستيك
– صباغة أكريليك أو سبراي
– قطعة ديال الكرتون (تجيبيها من أي كرتونة قديمة)
– لصاق (استعملت سيليكون إلى ماعندكش استعملي أي لصاق قوي بحال UHU يقضي الغرض غير هو خاصك تزيدي شي طريف ديال الكرتون تحت المراية من بعد تعرفي علاش)
ثانيا : كيفاش نصاوبوها؟
– كتشدي المعالق تقطعي ليهم اليد بالبانس أو المقص باش تجيك التقطيعة مقادة وكتخلي غير الجزء البيضاوي ديالهم
– من بعد كتصبغيهم بالألوان لي بغيتي ممكن ديري لون واحد أو أكثر
إلى استعملتي صباغة سبراي ديري شي علبة ديال الكرتون ورشي المعالق وسط منها باش ماتوسخيش المكان
و الى استعملتي صباغة أكريليك حاولي متخليش أثر الفرشاة على المعالق
– خلي المعالق ينشفو على جنب ودوزي للكرطونة قطعيها على شكل دائري (فحالة المراية الدائرية)
من الأحسن ديري المراية فالوسط وتحسبي شحال غتخلي ديال التيساع لي غتلصقي فيه المعالق عاد تبداي تقطعي
– من الأحسن تصبغي الكرتونة لي قطعتي بلون مناسبأو نفس لون المعالق باش تجي الخدمة نقية
– من بعد ماينشفو من الصباغة رسمي الحد ديال المراية باش ماتفوتيهش و بداي تلصقي المعالق هوما اللولين بالترتيب لي بغيتي تقدري تنسقي الألوان بالتناوب أو بشكل عشوائي لك الاختيار
– ودابا لصقي المراية في الوسط وحاولي دوك الحاشيات ديال المعالق لي الصف الاول يجيو تحت منها، إلى استعملتي السيليكون كتري شوية باش يهز المراية والى استعملتي اللصاق زيدي كرتونة صغيرة أقل من حجم المراية بقليل باش تهزها وتغطي الحاشيات ديال المعالق
– تقدري تكتفي بهاد القدر أو تزينيها بسينتة (استعملت سينتة كحلة رقيقة لصقتها على طول المحيط ديال الكرتونة وسينتة حمرة عريضة في الواجهة درت منها وردة (كنسميوها هنا لاصو)
وهانتي عندك ديكور جديد من لاشيء
نتمنى نكون شرحت وبسطت وإلى جاتكم صعيبة عرفوني أنا لي معرفتش نشرح 
وأي سؤال أو استفسار أو استفهام أنا موجودة على الرحب والسعة
دعيو معايا الله يسهل أموري وجميع المسلمين