محينشات بالدجاج و مسمن الفران مممممم

انا جيت تاني ههههههههه و جبت ليكم ظ…ط­ظٹظ†ط´ط§طھ و مسيمنات تستاهلوهم اخواتي يلا بلا كثرة الهدرة ندوزو المعقول
غادي نحتاجو العجينة المسمن راه كلشي كيعرف ليها و مافيها باس ندكر بالمقادير نحتاجو الدقيق الابيض و الدقيق الاصفر نفس الكمية و الملحة و نعجنوها بالماء بارد و ندلكوها مزيااااان و نخليوها ترتاح و من بعد نديرو كويرات صغار اللي غادي نحتاجة المحينشات و اللي بغا يدير المسمن حتى هو يدير 3 كورات كبااااار هههه
الحشوة مع الطريقة
في مقلة غادي نديرو 3 بصلات مشلضين + الملح + الابزا ر+ السكنجبير + القرفة ضروري + الخرقوم البلدي و الخرقوم الاصطناعي + زيت المائدة و نخليو البصلة فوق النار حتى تدبال و نزيد عليها صدر الدجاج مصلوق مع شوية الملحة و الابزار و مفرتت انا درت صدر دجاجة واحدة و نخلطوه مع البصلة و نضيف الربيع مقطع نخركو حتى تنساجم العناصر و نضيف 4 بيضات و نحركو حتى يطيب البيض و نضيف 3 معالق كبار سكر سنيدة ونحرك حتى ينشف الخليط و نخليه يبرد
ايوا المراحل الاخرى راها باينة في الصور المحينشات فاش نبغيو ندخلوهم الفرن نكرصوهم غير شووووية ندهنوهم بالبيض و نديرو من الفوق شوية الزبدة و الى الفرن ملي يطيبو ندردرو عليهم السكر كلاصي و شوية القرفة و بالصحة و الراحة
و المسمنة غادي نديرو 3 كورات وحدة وسط وحدة يعني كل كورة نورقها و ندردر السميدة رقيقة و ندهن بالزبدة دايبة و نورق الكورة الاخرى و ندير وسط منها المسمنة اللي درنا من قبل و نفس الشئ بالنسبة الكورة التالثة و نكرص المسمنة في اللاطة ديال الفرن و ندهنها بالبيض و ندير طريفات ديال الزبدة من الفوق و ندخلها الفرن و بالصحة و الراحة

هادو المحينشات





[IMG]https://www.anaqamaghribia.com/pic/images
/kursdl399m2r6w4o45.jpg[/IMG]

و هادا المسمن

lpdkahj fhg][h[ , lslk hgtvhk llllll