السلام عليم ورحمة الله تعالى وباركاته
اليوم غادي نقدم ليكم واحد الوصفة زوينا وبنينا فنفس الوقت ;ندوزو للمقادير
العجين عندنا ;نص كيلو فورص ; ملح ; و شوية لخميرة ; نص معلقة سنيدة(باش يجي محمر) ; لماء دافي
نخلطو جميع العناصر ونعجنو مزيان بحال لمسمن
لحشوة :دجاج مقدار الي بغيتي نص كيلو ولا كتر ;بصلات مشلضين ; ر بيع ,فصوص ثومة ;ملحة ; بزار;سكينجبير ; خرقوم (من احسن بلدي) ;راس معلقة قرفة ;لي كيبغي لحلاوة يزيد معلقة د العسل ;ونسدو على جميع لماقادير فكوكوط حتى يتيب دجاج ونزولوه ونخليو لمريقة توكح ;و كاناخدو دجاج كنفرتووه بيدينا;نزيدو عليها ڢيغميسيل لي ريتبناه ف لماء طايب نسيت مادرتو فلماقادير ونبداو ناخدو العجين على حساب لحجم اللي بغيتي انا كانعملهم صغار وكانڭرصوهم بحال لمسمن وكاندهنو بزبدا ونرشو دقيق فورص وكاناخدو لعمارة كانعملو بيها واحد سطر فوق لعجينة بحال يلا غد يري اي محنشة وتلويها على شكل سيڭار وعاد لويها على نفسها بحال حلزون ههه وستفيهوم فلاطة مدهونة بزيت او زبدا وخليهم يرتاحو شوية ماتخمرهمش بزاف و دهنيهم ب لبيض ويلا لفران ملي يتحمرو ماتنسسايش تاكليهم بصحة وراحة
وعدروني مدرتش صور ختكم يلاه مبتدئة ملي نتعلم نزيلها بالصور ;متنساوش تقيم الله يرحم والدين
lpdkahj fhg][h[ fu[dkm hglslk [vf,il ,jt;v,kd
و شكرا جزيلا لك
شكرا على المرور ديالك وجربي الوصفة راه تاكلي عليها صباع اديك هههه