17/08/2019
اللهم صل على حبيب الامة وشفعيها سيدنا محمد وعلى اله وصحبه اجمعين
اخواتي ط§ظ„ط؛ط§ظ„ظٹط§طھ مبروك عيدكم الله يدخلوا عليكم بالصحة والعافية وطول العمر والله يتقبل منا ومنكم صيامنا وقيامنا والله يبلغنا رمضان القادم ان شاء الله
حبيباتي في الله ط¨ظ…ظ†ط§ط³ط¨ط© العيد وجدت هد البلاطو تاع اللوز وبغيت نشارككم بيه نتمنى يعجبكم وينال رضاكم نخليكم مع المقادير والصور
بسم الله على بركة الله غنبداو بالمحنشة
المقادير
نصف كيلو لوز مصلوق ومنقي نزولوا منو نصف رابعة نحمروها فالزيت
350 غ سكر سنيدة
4 معالق كبار ماء الزهر
شوية المسكة مدقوقة
نصف كاس زبدة مدوبة ومصفية من الماء
ورقة البسطيلة
تناخد اللوز لي صلقنا من قبل وتنزيد عليه سنيدة وماء زهر ونخلطوا مزيان
تنطحنوا باش نحصلوا على عقدة ملسة
ونزيد عليه اللوز لي حمرنا من قبل وهرمشناه ونخلط كلشي وانا تنزيد الزبدة والمسكة حرة حت تتنساجم العناصر كلها
نخليها ترتاح وتشرب المقومات تاعها واحد الساعتين او اكتر انا يعض المرات تنبيتها فالتلاجة
نعمل حرابل طوال على حسب الحجم لي بغيت انا هنا غنعملهم غي طوال وفنفس الوقت غنوريكم كيفاش تعملوا وحدة دائرية
نقطع ورق البسطيلة على شكل مستطيل وندهنوا مزيان بالزبدة فالوجه لي حرش يعني الرطب تيبق التحت ونزيد واحد اخر حداه ونسد مابين الورقة والورقة باصفر البيض او شوية الدقيق
مخلط مع الماء وتنبقى هكا نعمل حت نوصل لحجم المحنشة لي بغيت انا البا هدي تنعملها ملي تتكون عندنا شي مناسبة تتجي فنة وعاطية للعين خصوصا الا كان فطور شي عروووسة ههههه
نحط القضيب تاع العقدة ونسد الجنب الاول لي فالجنب بالورقة بحال شكل سيكار وانا تلوي ملي نكمل الطول تناخد العقدة الاخرى ونجمعها بالعقدة الاولى وانا تنكمل بالورقة حت تنوصل للطرف الاخر وفالاخير تنسد بالعجين او اصفر البيض
اما هد الشكل فهو ساهل والصور تتوضح كلشي
تندهن اللاطة ونحط المحنشات دياولي يبقاو ليلة كاملة حت يتشمعوا الغد ليله نعاود ندهنهم بالزبدة مدوبه وندخلهم يطيبوا على عافية مهيلة ملي يطيبوا وهما محدهم سخان تندهنهم بالعسل ونعاود ندخلهم للفرن غي شوية ونخرجهم ونقطعهم ونزوقهم حسب الرغبة
ندوزا دبا لكعب ط؛ط²ط§ظ„
500 غ لوز مصلوق ومنقي ومنشف مزيان
250 غ سكر كلاصي هو لي تنعمل انا متتجيش العقدة ميهة
شوية المسكة حرة مدقوقة
ربع كاس ماء الزهر
تنعمل نفس طريقة المحنشة تنخلط كلشي عاد تنطحن العقدة ملي تنطحنها تنعمل 3 معالق زبدة دايبة ونزيد المسكة الحرة وانا تنعجن العقدة مزياان ونخليها تترتاح وتشرب مقوماتها
العجين
400 غ طحين فورص النوع الجيد
شوية المسكة حرة
ربع كاس زبدة وزيت مخلطين
شوية الملح
وتنعجنها بماء زهر انا هد المقادير هزوا لي كاس بالضبط ونخليها ترتاح ونفرقها كويرات صغار باش يسهال علي نخدم بيهم
نسرح العجين ونورقوا مزيان حت يبان لي سطح العمل لي تنخدم فيه ونحط العقدة
نطوي عليها العجين ونبدى ندور بالجرارة ونشكلها وانا تنعمل صبعي فالزبدة مدوبة ونقاد الشكل تاعو
ندهن اللاطة ونحط الكعب ديالي ونخليه يبات ليلة كاملة حت الغد ليه ناخدوا وندهنوا غي بشوية الزبدة ونعمل تقوب متفارقة بالابرة وندخلوا يطيب على عافية مهيلة
بالنسبة للبريوات فنفس حشوة المحنشة هي لي تنعمل فيهم يعني اللوز مصلوق ولاخر محمر تيجيو رائعين ومعلكين
نتمنى نكون توفقت فالشرح اخواتي واي تساؤل عندكم انا رهن الاشارة ونتمنى يعجبوكم حليواتي وعيد مبارك سعيد
وهدا بلاطو مشكل تاع الصابلي باللوز والشكلاط والكراميل من عجين واحد عملت منو هد الاشكال
الصابلي تاع الغاليه ام هداية الله يجازيها خيرات الدارين هاالرابط ديالو
https://www.anaqamaghribia.com/vb/sho…d.php?t=242838
في امان الله وحفضه
اللهم ادمها نعمة واحفضها من الزوال
احبكن في الله
lpkam ,;uf y.hg i]djd flkhsfm ud] hgt’v gho,hjd hgyhgdhj u.hx
حليوات تحفة الله احفظك من كل شر
عيدكم مبارك سعيد وعساكم من عواده
تم التقييم
المشاركة الأصلية كتبت بواسطة ام ايوب 3 
حليوات تحفة الله احفظك من كل شر
عيدكم مبارك سعيد وعساكم من عواده
تم التقييم
بارك الله فيك اختي
الله يحفظك ويخلي ليك ايوب الغزاااال والله يجازيك خيرات الدارين على ردك الطيب والمفرح
الله يفرحك بكل ماتمناي اختي فهد العواشر والله يخلي ليك صحيحتك وضو عويناتك
حفظك الله ورعاك وعيدك مبارك سعيد
حليوات تحفة الله احفظك من كل شر
الله يتقبل منا ومنك و من جميع المسلمين
المشاركة الأصلية كتبت بواسطة monatibou وعليكم السلام ورحمة الله وبركاته
بارك الله فيك اختي
المشاركة الأصلية كتبت بواسطة om alhoda حليوات تحفة الله احفظك من كل شر
بارك الله فيك اختي
الله يحفظك ويسهل امورك العزيزة
المشاركة الأصلية كتبت بواسطة أرض طيبة الله يتقبل منا ومنك و من جميع المسلمين
الله يبارك فيك اختي
الله يزين ايامك الحبيبة
اللهم امين يارب