بعد صراع طويل مع مولاي السلطان اخيرا مو غادي تجي نهار الجمعة دابا ظ…ط§ظ…ط§ معارفاش اشنو كيديرو حيت انا البكرة ديالها خصوصا ط§ظ„ظ…ظƒظ†ط§ط³ظٹط§طھ الله يرحم الوالدين انا بردتلي اليد ورجل
lhlh jgtj uh,k,ih hgl;khsdhj
اولا الله يكمل ليك بلخير .دابا كلشي سهال ضربي دويرة نتي وماماك فلمارشي دلهديم رافيه الحلويات شكال ونواع.تحط بلاطو دلحلوة مع القهوة.ومن بعد العشاء.هنا فمكناس لاحظت الناس فلخطوبة كايديرو الدجاج معمر ومبخر وشلايظ.والا جابو الحلوة ولحليب تايحطوهم فلاخير.والف مبروك
شكرا ليك اختي
اولا الله يكمل ليك بالخير و سهل ليكم كل اموركم و يكمل عليكم بالخير ان شاء الله تعالى / بالنسبة احبيبة للتساؤل ديالك غادي نقولك شنو درنا حنا فالخطوبة فالأول غادي تقادو الصالون و توجدو راسكم بالنسبة ليك نتي لبسي قفطان مزيون وعملي فولار ديالك الا كاديريها و بقاي فبيتك ماتخرجيش ههههه المهم مماك غادي تستقبلهوم و غادي تكَلس معاهم فالصالون من بعد تا يعيطوليك عاد خرجي و كَلسي معاهم هدري و ذاكري مع مولاي السلطان قدام لافامي ديالك , بالنسبة للماكلة الا كانو غادي يجيو هير عشية باش تعارفو مزيان غادي ديرو القهوة و المسمن و زيد وزيد أما الا كانو جايين على أساس يخطبوك رسمي غادي يجيبو معاهم التمر معمر و الحليب و شي تفصيلة و شربيل و شال أو فولار و الحنة و بوكي ديال الورد و السكر قوالب , و الا كانو غادي يجيو باش يتعشاو غادي ديرو فالأول أتاي مع حلويات و مكسرات , من بعد الشلاضة ديال الجردة و الدجاج معمر أو محمر و اللحم بالبرقوق و انتوما على حساب استطاعتكم عينكم ميزانكم . و المونادا و الديسير من بعد الا كان شي تركاب الخاتم غادي ديروه و تشربو الحليب ماكانش غادي دوزو الحليب و التمر قبل أتاي و هانتوما ساليتووو نتمنى نكون فدتك ولو بالقليل احبيبتي بارك الله لكما و بارك عليكما و جمع بينكما في خير .
الله يرحم الوالدين وشكرا والله فرحتوها هههه
السلام عليكم 
ختي انا ماشي مكناسية ولكن غنقولك معلومات لي عندي اولا غتوجدو ريوسكم وبلاصة لي غتجلسو فيها الى كنتي غديري خطبة رسمية اولا ضريب الصداق ديري شي مكياج خفيف وشديدة فولار زوينة الى كنتي ديريه سي نو مشيطة خفيفة وصبيع الحنة وهنا متخرجي حتى يسولو فيك الناس متكونيش في الاستقبال خلي كبار العائلة لي يتلقاو لناس قبل لعشا مع دخلة الناس كيتلقاو ليهم بالحليب بالزهر و تمر اوا يلالة يجلسو الناس يرتاحو شوية تقدمو لي تارت صغار مع كاطو سواري و عصائر مشكلة "خوخ وليمون" "حليب وفريز"" بنان وتفاح وحليب" 
وبقاو مزال شوية عاد قدمو العشا يمكن ديرو "بسطيلة الحوت" و "اللحم محمر مع المشماش والانناس و اللوز او الكركاع" ولا "دجاج معمر بالفرمسيل وكبيدة وقنيصة ومحمر" و" اللحم او الشوا مع بسطيلة الدجاج " او بسطيلة الحوت مع سفة مونتي باللحم معسل بحال هاد الصورة 
هادشي مع المونادا من بعد يا لالة هزو وحطو الديسير بعد شي ساعة على العشا حطو اتاي ودوزو الحلوى ديال اللوز وصابلي بريستيج راه تلقاي هنا في المنتدى شكيلات غزالين الى كنتي غتركبي الخواتم حطي قدامكم التمر معمر باللوز ومزوق بحال هكا قلبي في جوجل تلقاي الجديد باش توكلو بعضكم ومن بعد دورو على الناس 
والله يجعل البراكة اي استفسار انا نطل مرة مرة مبروووووك
شكرا بزاف
شكرا بزااف البنات راكوم فدتونا كاملين انا راسي ماتانعرف واالو فهادشي دالصواب