لي محترفة في الفقاص تجاوبني

السلام عليكن أخواتي،
بغيت نسول المحترفات في الفقاص، هدي شي زوج المرات كندير فقاص ديال الزرارع ولكن كيجيني كله كيتفرتت وخاوي من الوسط، في المذاق كيجي غزاااااااال ولكن كيتهرس لي بالزربة ماعرفتش علاش واخا كنتبع جميع المراحل لي كنديره للفقاص.
المقادير لي كنستعمل هي:
7 بيضات، 3 كؤوس عنبة زيت، 3 كؤوس عنبة سانيدة، حفنة ديال الزرارع مخلطين (الزنجلان، حبة حلاوة، النافع)، نصف كاس ديال ماء الزهر، 3 خمارات حمراوات والدقيق حسب الخليط.
جاوبوني الله يرحم لكم الوالدين

---

gd lpjvtm td hgtrhw j[h,fkd

السلام عليكم احتي انا صراحة ديما الفقاص عندي والعجينة مكنديرهاش قاصحة كنديرها رطبة وملي كنخرجوا بكيط من الفران كنكون وجدت فوطات فازكين بالماء وكنغطيه بيهوم حتى نحس بالقوطة نشفات وكنقطع بموس حاد ونرجعوا اطيب هادي طريقتي لي لقيتها عن الواليدة الله اطولي فعمرها ونمنى نكون اقدتك تقبلي مروري

زيادة على كلام الاخت وردة نقصي من الخمارات عملي غير 2 كافيين وخليه مرخوف متكونشي لعجينة قاصحة وكرصيه غير شويش من الفوق وحتى دخليه الفرن عاد شعلي عليه يعني ميكونش الفرن مسخن من قبل
وبالتوفيق

شكرا أختي على الرد ديالك، في الصراحة كاع هادشي درته، المشكل ماشي في التقطاع في حد ذاته، لأنني كنستعمل موس مااااااااااضي وبزربة كيدوز عليه وكنخليه حتى كيبرد عاد كنبدا تقطاع، المشكل عندي من بعد ماكنقطع ماكيحافظش على الشكل ديالو في ساع كيتقسم وكيجيني خاوي من الوسط.

شكرا مشرفتي على الرد ديالك، في الصراحة كلشي لي قلتي كندير به ماعدا الخميرة والتكراص، ان شاء الله ندير بنصائح دياولك ونرد عليك.

نقصي من الطحين احبيبة ربما كديريه قاصح, ومنين تخرجيه عملي عليه زيف فازك وخليه حتى يبرد مزياااااااااااان عاد قطعيه.

شكرا أختي على إفادتك، ان شاء الله ندير بنصائح جياولكم ونشوف. الله اخلي لك صحيحتك

زيادة علي قال الاخوات ملي تبغي تطيبي الفقاص تقبيه بالعود ( عود الاسنان )