لي تيقريو مستوى الروض اجيو نتعاونو باش نكونو في المستوى

السلام عليكم خواتاتي الله يسر ليا هاد العام نقري ظ…ط³طھظˆظ‰ ط§ظ„ط±ظˆط¶ ط§ظ„ظ…ط³طھظˆظ‰ المتوسط مادة الفرنسية و الرياضيات و شهر ديال السطاج غنكملو في هاد السيمانة و يعطوني قسم
و صراحة بغيت نبين حنة يديا و نكون متفوقة و نوصل الوليدات لاعلى ظ…ط³طھظˆظ‰ وخا باقين صغار انا شفت البنت تتخدم معاهم عادي و بغيت ندير اضافات و تجديد
و تنتمنى المساعدة منكم بنصائح و توجيهات و اي حاجة بانت ليكم تنفعني متبخلوش عليا
لاني اول احتكاك ليا بالاطفال و القسم و بغيت نخلي بصمة زوينة قوية الاثر عند الاولاد و في المؤسسة كاملة ان شاء الله
انتظر تشجيعكم و توجيهاتكم بفارغ الصبر

---

gd jdrvd, lsj,n hgv,q h[d, kjuh,k, fha k;,k, td hglsj,n

اختي انا كنت كنقري من روض حتال 7 و كان روضرهو تصعب حاجة عندي لان فيه خدمة بزاف هاديك بيداغوجية كيفاش توصلي ليهم معلومة خاص يكون في بريكولاج انا نعطيك واحد سيت نفعني بزاف فيه كل ما تحتاجي كتبي في جوجل les creations de stèphanie فيه كلشي اللي تختاجي و بالنسبة لضبط القسم تاهو ديريه باللعب انا كنت دايرة وجه فرحان و وجه حزبن و اللي منظبط كنت دابرة تصاورهم كبلصقو و كنلصق تصاورهم* و بزااااف راه كنت ناخد افكار من هاداك سيت و كتبي ecole maternelle bricolage غتلقاي بزاف و كنت اول 10 دقايق كنغنيو فيها اغنية ديال ارقام و حروف و شهور و اجزاء الجسم و اغنبة عادية بحال mon petit lapin كتبداي كل سيمانة تزيدي اغنية** يوميا و كنت كنشري هادوك ستيكرز اللي جاوب صح كنلصقها ليه في حنكو و ملي كنبغي نعلمهم شي حرف جديد كنوجد فيه اسطوار فيها مصطلحات من داك حرف بحال حرف k كنجيب kangro
il etait une fois un kangro kkkk كنشد تصويرة و نبدا نعاود و كل ما كنوصل لحرف كنعاودو شحال من مرة و كنهليهم يعاودو مورايا و راه بزاف ديال لي ستخاتيجي غي قلبي فداك سيت راه رائع

عن طريق : samsung – GT-S6810

و الحمد الله راهم مانو حافضين مزيان و كانت متعجبهم حصتي واها كانت لغة تاتية عندهم لان مدرسة سيستيم امريكي

عن طريق : samsung – GT-S6810

السلام عليكم ورحمة الله وبركاته
اختي طريقة التعليم تعتمد على بيداغوجيا الإدماج ولذلك أنصحك باستعمال الصور والألوان لأنها تتير الطفل وكذلك الأناشيد باللغتين الفرنسية والعربية ولما لا يمكنك استعمال التلوينات الله يوفقك

ختي لحبيبة و الله معرفت كيفاش نشكرك الله يكثر خيرك و يجازيك خير الجزاء و يعطيك منويتي في خاطرك و يحقق ليك كل امانيك فرحتيني بزاف عمري منسا خيرك شكرا بزاف ختي

الله يكثر خيرك و يجازيك خير الجزاء ختي نجمة بيضاء

ختي نادية انا عطوني الدليل ديال المجموعة البيداغوجية الميثاق
ختي وخا غنكثر عليك كيفاش تديري للتخطيط السنوي و كيفاش تتصوبي الجذاذة ديال الدرس حينت انا درت تكوين في مدرسة خاصة لكن تخصص التربية الاسلامية اعدادي و صراحة ندمت حينت فرص العمل في الاعدادي و تخصص التربية الاسلامية قليل بزاف
و ملي لقيت هاد فرصة العمل فرحت بها و لكن معرفت منين نبدا
البنت لي تنحظر معاها السطاج مسكينة وراتني كلشي لي تتعرف و لكن هي متتحظرش الدرس في جذاذة و موارتنيش طريقة التحظير حينت هي ولفات تدخل نيشان تبدا بالاناشيد ثم القراءة و الكتابة و الرياضيات

اختي انا معارفاش سيستيم في مغرب كيداير* حنا هنا كتكون عندنا واحد مشرفة ديال كل مادة يعني فرنسي عنده مشرفة ديالو كتشرف على مدرسات ديال فرنسي كاملين و هي اللي كتعطينا yearly plans w weekly plan و كنجلس معايا و انا كنقوليها غي كيفاش غنشرح درس و هي كتصححلي الا كان شي حاجة و كتحضر مرة في سيمانة معايا فكل فصل* انا اخاي راني لاعلاقة بالتعليم انا marketing banquaire ههههه غي هنا في سعودية ابناك خاصين بالسواعدة و ماي بقيت جالسة قتارحات عليا جارتي ندفع مدارس* بحكم انني عربية مطلوبة كمدرسة لغة فرنسية مهم غادي نقلب داك كلاسور اللي كنت كنكتب فيه جدادة لاننا كنا نكتبوها و كل نهار* تجي ديك cordinatrice اللي قتليك تشوفه مهم كنت كنكتب كيفاش غندخل للدرس و باش غنبدا و اش غادي نقوليهم و اش خاصهم يعاودو مورا كنت كندير*
unitè:
lesson :
activitè :
objectif :
Remarque :*
هاديك رومارك كنت نكتب فيها داكشي اللي كان خاصو يدار ديك الحصة و مدارناهش و دركنا الوقت او شي حاجة او كنكتب فيها شي حاجة مفهموهاش مزيان و خاصها شرح تاني

lesson

عن طريق : samsung – GT-S6810

و متنسايش يكون ديما عندك بيسي و باف اكستيرن تبقاي تخدمي ليهم اغاني و ياريت يكون في كلاس بروجيكتور باش نوريك واحد لي فيديو كنت كنخدم بيهم كانو كيسهلو عليا باش حفضو و كنت كنطبع ليهم ورقة فيها اش غنديرو كل حصة و كندير ليهم le lien ديال دوك لي فيديو و كنوصي امهات يفرجوهم فيهم في دار كيجيوني دراري حافضين

عن طريق : samsung – GT-S6810

تبارك الله عليك اختي لحبيبة الله يعطيك الصحة و يزيدك علم و نور يا ربي ختي ما شاء الله تما داكشي منظم ما شاء الله
ختي انا في مدرسة عادية جدا و مكينش داك الاهتمام لا وسائل لا مراقبة لا والو و الطفل مقموع و انا شحال من تصرف لاحظتوا في البنت لي معايا معجبنيش و لكن منقدر نقول ليها واالو حينت انا غير سطاج معايا و اكيد مغاديش تقبل اي تعليق مني
مبقا ليا والو و ناخد قسم خاص بيا و ان شاء الله ندير كثر من جهدي و كنتمنى التوفيق من الله
ختي الله يكثر خيرك على النصائح كلها و الله يبارك ليك في وقتك و في عمرك عطيتيني من وقتك الله يطول ليك في العمر و يسر ليك كل امورك ممتنة ليك الله يرحم ليك الوالدين