سلام عليكم كنشوف مكينش شي موضوع كيبين الامهات الجدد اشنو يوجد قبل ط§ظ„ظˆظ„ط§ط¯ط© من حوايج البيبي وحويجهم في الكلينيك وكدا الماكولات وكيفاش نستقبلو الناس في الدار خصوصا ليدها بوحدها بحالي اشنو كيدار في السبوع من حلويات والمسمن واش كديروه قبل ويدار في الفريكو كيبقى مزيان وان مسمن لكيصلاح الرفيسة واشنو خص يكون عندي موجدة في الدار كنتمنى لفيت داروا هد الشي يشرحو لينا من الاول حتى النهاية يفيدنا الله يجازيهم بخير ان اول مرة غادة نولد معرفة منقدم ولا مناخر ومكين ليعاوني كولشي حاضي اخطائي باش يتهكمو فية الله يجازيكم الى ما عاونوني راني وحدانية في هد العالم وسط اهلي وعائلتي حيت الام ديالي مكيناش لغدة تكون بية ولا حتى خواتاي نتوما هما كلشي مدوا لية ايديكم نقدوني وشدو بيدي باش نكون
g,h.l hgphlg rfg hg,gh]m ,fu]ih
اولا الله يفكك على خير اختي وحتى انا كيهمني هاد الموضوع غادي نولد فلاخر ديسمبر بالنسبة لحوايج مازال كل مرة ناخد شي حاجة على ود الامكانيات ..بالنسبة لحوايج ليك بيجامات سخان ويكونو بصداف ساهلين للرضاعه وبينوار الا كنتي غتولدي فالبرد وكيلوطات قطن كبار و كولونات قطن وملابس داخلية قطنية اولويز كبير للنفاس و غسول للاماكن الحساسة و بنطوفة وصندلة الميكة وفولار حياتي باش تجمعي راسك وصاك مكياج فيه ضروريات لي جا عندك تقادي شوية ههه وبيتادين تبقاي تشلي بيه مع الما يجمع ليك الغراز الا ولدتي طبيعي..فوطة كبيرة وفوط صغار…وجدي شي حاجة بلدية للسبوع تلبسيها ملي يجو الناس ……. يتبع
لبيبي وجدي ليه لبيسات و ملابس داخلية وماتكتريش حيت داغية كيكبرو دراري شري باش دوزي شهور لولين وملي تزاد اراي ماتشري وتقاشر وطريبشات وتقيشرات لليدين ورياقات ومانطة وقماط ..باندة للصرة والكحول وبيتادين باش داويها ليه..فوطة كبيرة وفويطات صغار ولوازم الحمام ديالو شامبو باندوش حليب طالك كريم طياب لانجيت وليكوش ولقاط ضفار صغير وكوطونتيج خاص للاطفال مشيطة رطبة سكاتة ورضاعة الما ورضاعة الحليب معقم الرضاعة و مصاصة الحليب لي تعاونك تخوي صدرك من الحليب صاك تجمعي فيه مستلزمات البيبي فراش ومخيدة
بالنسبة للحلوى على قد امكانياتك دفعيها تصاوب ملي تقربي تولدي والمسمن تاهو راه كيدار فالفريكو وشري دوك صريرات ودراجي ودفعي سلو يتصاوب الاماكاين لي عاونك ودارك جيبي شي مرا تجمعها وتنقيها ليك قبل ماتولدي
افكار زوينة ختى اسماء الله يعطيك الصحة
اختي تانا زيديني عليك و الغربة و انا دابا في شهر تاسع انا وجدت غي لحوايج ماكلة موجدت والو لان معندي حد و هنا بعدا واحد عادة مزيانة كعما كيصدعو نفيسة حتى كتكمل شهرين و بالنسبة الناس اللي مشيت عندهم حطو ليا عصير و طارط هههههههه تانا غندير نفس شي مكاين لاش نصدع راسي بعاداتنا* مهم انا نقوليك اش وجدت ليا و للبيبي*
عن طريق : samsung – GT-S6810
بالنسبة ليا درت في شنطة* 2 بيجامات بصدايف و قفطان عادي للزيارة في سبيطار و2 كولونات ديال قطن 3 دونيات 2 زيوف حياتي و شيلان ديال لقطن لبيجامات انا اختي كلشي صيفي لان ديما عندنا صهد في هاد لبلاد* خديت سليبات لي غي لبسة و كيترماو** و* 2سوتيمات ديال رضاعة هزيت لي لانجيت قلت نقدر منقدش ندوش في سبيطار غي نمسح بيهم و هزيت بوشيط صغير في كحل ماسكارا عكر ديال 24 هههه باش ميتمسحش و نبقى كولا مرة نوض ههههههههه مشطة شيتة سنان و سينيال فاغاجو شبكة و صابون و قرعة صغيرة شومبوان حنا كيدوشو هنا فوطة صغيرة و كبيرة بنطوفة ممممم صافي واقيلا
عن طريق : samsung – GT-S6810
اه و اولويز حجم كبير ليلي* اما بالنسبة للبيبي خديت ليه اختي غي 3 لبسات من 0-3 اما كلشي شريتو 3-6 لانه كيوفاو مهم في صاك درت 4 لبسات انا باغا نولد طبيعي و لكن دايرة بحساب حتى سيزاريين لذلك دايرة بحساب 4 ايام في سبيطار مهم 4 لبيسات بطاقيات و صباعيات و تقاشر** و فوطة و ايزار و واحد كشمير فاش كتلويه شمبوان و باندوش و مشطة و مقص و فوطات صغار و لي لانجيت و كريم صودوكو ديال طياب و طالك و 2 قمامط و سماط* و ليكوش
عن طريق : samsung – GT-S6810
موضوع مهم
الله إفككم على خير وبخير
ويتمم حملنا يا رب
الله إفككم على خير وبخير
ويتمم حملنا يا رب
موضوع زوين كنتمنى البنات يزيدو يفيدونا