السلام عليكم ……الاخوات الانيقات انا مريت بفترات صحية صعيييييبة والاغلبية كيعرفو شنو داز عليا مع الكلاوي والحمل ودابا داز عام ولكن بانو امراض اخرى ولكن دابا اسبابها السمنة هلكاتني والصراحة دمراتني نفسيا وليت كنشوف راسي في كل وحدة سمييييييينة بزاف وليت نخاف نلبس نخاف يشوفوني الناس لي كانو يعرفوني وانا ضعيفة ولكن اهم واحد كيهمني هو راجلي حيت فاش تزوجني كنت نوزن 56كغ ودابا 83كغ يعني تبدلت بزاااااف علما طولي م1.64 وعندي الارداف ولكن كرشي خرجات بزاف بحالا راني حاملة في 7 اشهر اما بالنسبة الامراض راه عندي ارتفاع في نسبة الكوليسترول وعندي الحجر في المرارة بنسبة كبيرة ورقيق بزاف وعندي نقص في الحديد في الدم….
سبقلي مشيت للطبيبة مختصة في التغذية وعطاتني ريجيم وقالتلي الرياضة والمشي ….في الاول تبعتو ونقصت شوية ولكن رجعتها كاملة وحصلت فيها وزدت مرضت اكتر ودابا قالولي خاصني نحيد المرارة وليت مانقدش ناكل غي كنرد ورجعت ندير الريجيم وندير الرياضة هاد الاسبوع ووبغيت غذا ان شاء الله نبدي نشارككم الريجيم واليوميات ديالي ونزل الوصفات لي كنديرهم وربي يعاوني باش نقد نداوم ونتمنى تشجعوني ونرد صحتي وثقتي بنفسي وبجمالي امام زوجي …..وشكرا …..
هذا هو الريجيم لي عاطياني الطبيبة::::
الاثنين:
الافطار: حليب 1/2 دهن او قهوة او شاي بدون سكر+ قطعة خبز (قمح او زرع)+ملعقة زيت زيتون+ فاكهة.
الغذاء:سلطة منوعة+ قطعة دجاج مفورة+ صحن عدس+ياغورت طبيعي.
العشاء: صحن شربة خضر+50غ لحم مشوي+ ياغورت.
الثلاثاء::::::
الافطار: قهوة او شاي+ قطعة خبز محمص+ جبن بدون دسم+ عصير الليمون.
الغذاء: سلطة مغربية+ طاجين سمك بدون مواد دسمة+قطعة خبز+فاكهة
العشاء : عجائن مطهوة بدون اضافات+ 50 غ لحم مفروم+ ياغورت طبيعي
الاربعاء:::::::
الافطار: قهوة او شاي+ قطعة خبز+ ملعقة صغيرة مرب او ملعقة زيت الزيتون فاكهة.
الغذاء : سلطة مغربية+ طاجين خضر بدون مواد دسمة +100 غ لحم بدون دسم.
العشاء : صحن حريرةبدون دسم+ نصف بيضة مسلوقة+ قطعة خبز صغيرة+ 2 تمرات.
الخميس::::::
قهوة او شاي او حليب+ جبن 0% + خبز محمص+فاكهة.
الغذاء : سلطة خضراء+ سمك مطهو بالبخار+ لوبيا خضراء+ فاكهة+ قطعة خبز.
العشاء : ارز بالطماطم+ قطعة ديك حبشي + ياغورت طبيعي .
الجمعة::::::
قهوة+ حليب خالي الدسم او شاي+ قطعة خبز محمص+ جبن خالي من الدسم او مربى+ فاكهة.
الغذاء: صحن كسكس بالخضر+قطعة لحم خالي من الدسم+ كاس لبن.
العشاء : صحن عدس+ لحم مفروم به القليل من الدسم+ ياغورت 0%.
السبت::::::
الافطار: حليب بالشوكولاتة او شاي خبز + قليل من الزبدة + عصير الحامضالحامض.
الغذاء: سلطة قمح+ قطعة ديك حبشي + خضر مطهوة بالبخار+ فاكهة او ياغورت.
العشاء: شربة خضر + دجاج على الفحم+ فاكهة.
الاحد:::::::
الافطار : قهوة او شاي+ خبز+ جبن مخفوق+ ملعقة الزببتون.
الغذاء : سلطة خضر+ سمك مشوي+ ارز بالاعشاب+ ياغورت بالفواكه.
العشاء: شربة خضر+ شرائح لحم مشوية+ ياغورت طبيعي+ فاكهة.
واخيرا كملت هذا هو الريجيم لي عطاتني اختصاصية التغذية وقالتلي قبل كل وجبة ب 15 دقيقة ندير كاس ماء طايب وفيه قطعة حامض ونخليه يبرد ونشربه ونشرب الماء بزآاف وفي الغذاء والعشاء نحاول ما امكن ندير الخس سلطة ونحمر الخبز في الفران ولا الة البانيني ماشي على البوطة. وقالتلي ضروري الرياضة والمشي
gkjp]n hglvq<u]l hgerm td hgkts< hgqut>>>d,
عن طريق : samsung – GT-N7100
مكاين علاش دمري نفسيا. تبعي نظام غذائي صحي مع شوية حركة يوميا وخا غير المشي و شربي الماء بكثرة.
وبإذن الله قريبا تبشرينا أنك نقصتي. السمنة هي سبب أكثر أمراض العصر و هي بحد ذاتها مرض.
الله يقويك أختي و يفرحك.
الله يشفيك ويعافيك اختي
انا معاك
غادا نشد معاك الطريق ادا قبلتي عليا
حتا انا وصلت دابا ل 82كع و ماراضياش على راسي
من الغد غاديا نبدا ريجيم
هانتي غدا نتوزن ونقولها ليك
ونتبع معاك ريجيم دقا دقا
اش بان ليك
المشاركة الأصلية كتبت بواسطة hiddaya 
المشاركة الأصلية كتبت بواسطة بحر الحب سبقلي مشيت للطبيبة مختصة في التغذية وعطاتني ريجيم وقالتلي الرياضة والمشي ….في الاول تبعتو ونقصت شوية ولكن رجعتها كاملة وحصلت فيها وزدت مرضت اكتر ودابا قالولي خاصني نحيد المرارة وليت مانقدش ناكل غي كنرد ورجعت ندير الريجيم وندير الرياضة هاد الاسبوع ووبغيت غذا ان شاء الله نبدي نشارككم الريجيم واليوميات ديالي ونزل الوصفات لي كنديرهم وربي يعاوني باش نقد نداوم ونتمنى تشجعوني ونرد صحتي وثقتي بنفسي وبجمالي امام زوجي …..وشكرا …..
بالتوفيق.