الله يخليكم أخواتتي إلى متعتقوني بشي وصفة للحريرة تكون بنييينة والله يرحملكم ط§ظ„ظˆظ„ط¯ظٹظ† 
gluv,tm fpvdvjih hgaidm j]og hggi dvplgih hg,g]dk hgai]m
أما أنا فبغيت لحريرة تقليدية نتاعنا مدابيك أمغربية مغتربه إلى متعتقين بالمقادير داكش لخاصني حريرة بنينة وزوينة والله يجعل ربي يرزقك بالجنة نتي وكل من له معزة في قلبك
الحريرة المغربية الي كلنا نعرفوا راه تاخدي القزبر والمعدنوس وتقطعيهم مزيان وتقطعي الكرافس حتى هما رقاق وتشلضي بصلة حتى هي رقيقة بزاف وكلشي تحطيه في الطنجرة وتضيفي عليه مطيشة مطحونة على حسب رغبته الا كنتي غادي تزيدي ماطيشة الحك … وتنقي العدس وتغسليه وتضيفيه والحمص مرقد ومفسخ وعاد تزيدي العطرية البزار والسكين جبير وشوية القرفة والخرقوم والملح والزيت شوية والا بغيتي كظيفي لهذا الشيء شوية الللحم مقطع مربعات الا بغيتي ولا لحم فيه العظام باش يعطي البنة امممممممممممممممم …. وحطيهم يطيبو من تشوفي العدس طاب هو الحمص ظيفي الشعرية الرقيقة من تطيب حتى هي الا كنتي تبغي السمن ديري معلقة صغيرة اسمن … الا لا دوري حريرتك يا مولاتي ما تديهاش للقيسارية لا دوريها بالدقيق مخلص في ماء بارد حتى تشوفيها عقادت حسب رغبتك وخليها تطبخ شوية حتى يطيب الدقيق الي فيها وواصلي التحراك باش ما تلصقش …. ومن بعد خوي في الجبابن وجيبي المغرفة وراك للشريب وغرفي من التحت باش يكون في الجبانية الكياس بزاف ( الحمص والعدس ) ههههههههههههههه والبصحة والراحة على قلبك
تحياتي
و بالنسبة لمطيشة ما تانزيدها حتى تيطيب الحمص و العدس.
و الدقيق اللي تندور به تنديرو فمولينيكس مع شوية الخميرة و الما دافي و نخليهم على جنب مني تانبدا نقلي فالحريرة, و مني تندور به تايكون خامر فحال العجين ديال البغرير تنحركو شوية وعاد تندوربه الحريرة.
أما القرفة فبصراحة ماتنديرهاش غير سكين جبير و الخرقوم عرق مطحون مع شوية الإصطناعي هادوك تنخلطهم دائما مع بعض و السمن و بزار نصف الكمية فالأول مع البصلة و اللحم وضامة البنة و العطرية و الكرافس و الحمص و العدس و نصف الكمية مع التدويرة + مطيشة الحك و الشعرية و إلا بغيتي بيضة مطربة أو زوج. و مني تاطيب تنضيف عليها القزبور و المعدنوس مقطعين و نحرك و نصبها فالزلايف أما ديال المناسبات عاود نفس الطريقة و لكن بلا حمص بلا عدس تندير فيها اللوز مصلوق و مقشر تاتجي راقية و بالصحة و الراحة.