السلام عليكم كيف حالكم يا انيقات و فين وصلتو بتوجاد لرمضان لله يدخلو علينا و عليكم بالصحة و السلامة كيف ماقريتو فالعنوان انا ليوم جبت ليم طريقة الركاكي او البطبوط او لمخمار نتمنى نفيدكم
غادي نديرو في القصرية تلاتة لقياسات ديال لفورص و قياس ديال لفينو( لقياس تنقصد بيه سوا كاس او زلافة او ….. ) لخميرة ديال الخبز لملح و رشة سنيدة باش يتحمر فالمقلة ونصف معلقة صغيرة زبدة باش يجي رطب انا نسيتها
كنجمعو لعجين بالماء دافي عادي كيف لخبز
و كانبداو نزيدو بشوي بشوي لما و ندلكو و نجمعو لعجين و نعاودو نزيدو لما
هاهو مني دلكتو و درت لي بحال عجين الفلاحة هههه باش يدخلو لبرد مزيان
حتى نحصلو على عجين بحال ديال سفنج تتمشي فنليد
اخدو الاناء لي قررنا نخمروها فيه و نشلوه بالما باش لعجين متلسقش فيه و تطلع كيف مافصورة
من بعد ماتخمر و طلع نبو طبسيل ولا سينيا و ندهنوها بالزيت و ندهنو يدنا و نقطعو بحال سفنج و نحطوها فالسينييا و نضربوها من جناب باش تولي مدورا كيف ماتنوضح فالصور بالجنب ديال يدينا طبعا ييدك مدهونا بالزيت باش ماتلصقش فيها لعجين
بقت اصعب مرحلة لي هيا مني تهزي هاديك لكورة لي خدمتي بيديك بجوجن و تحطيها فمقلة تاع وجدة سخونة مرشوشة زيت و تكرصيها بسرعة فالمقلة تخليها على نفس لاجهة حتى يبانو ليك الفقاعات عاد قلبيها هاهي مني كرصتها في المقلة
و مني قلبتها
و مني وجدات
نصيحة مني تكونو طيبو ديرو زيف نقي و حطو وحدة فوق و حدة باش يتوانسوو يبقاو سخانين
ه واخيرا صورة جماعية للوفد ههه
و هادي كيف كايجي من لداخل زوين بزاف و رطب
امانا لي عجبها تدعي معا ماما يزرقها الجنة ربي و يحرم عضامها على نار و يحفظها لينا
glpfd hgadhv [hd;l so,k lk fgh] hgyvfm gHojd hgsdhv
و الله يرزق ماماك الجنة من غير حساب ان شاء الله
عواشر مباركة اختي
والله يرزق ماما الجنة وجميع المسلمين
قريت الشيار وانا ندخل توحشتو هههههههه هذا خبز الشاوية ههههه
و الله يرزق ماماك الجنة من غير حساب ان شاء الله
المشاركة الأصلية كتبت بواسطة قلب حنين 
و الله يرزق ماماك الجنة من غير حساب ان شاء الله
شكرا حبيبتي نورتي صفحتي
المشاركة الأصلية كتبت بواسطة مرضية واليديها عواشر مباركة اختي
علينا و عليك بالصحة و السلامة شكرا ليك الزين
المشاركة الأصلية كتبت بواسطة عاشقة الرشاقة والله يرزق ماما الجنة وجميع المسلمين
اسعدني مروركي اختي الف شكر