للفائدة :لف الرضيع

السلام عليكم ورحمة الله وبركاته أخواتي الموضوع باين من عنوانه، بغيت أي سيدة عندها تجربة مع الرضع تقول لينا تجربتها ومنانساوش دكتورتنا الغزالة بشرى تقول لينا رأي الطب فالموضوع
بزاف ديال النصائح كنسمعها خاصك تلفي ولدك خاصك تقمطيه ماتخليهش بلا تكماط ووو … وبصراحة أنا كيبقى فيا كنلبسليه حوايجو ومحطوا فسريره وصافي ولكن قالوا لي ط§ظ„ط±ط¶ظٹط¹ الى ماتقمطش كيعواجوليه رجليه وماكايعرفش يتمشى ووو
وصراحة ماعرفت ماندير خاصة كيقولو خاصك تشديه بخيط باش مايتحيدش ليه القماط
أنتوما يا لمجربات: واش كتكمطوا أولادكوم ؟ الى نعم واش طول الليل والنهار ديما مربوط؟ كيف كتديرو لهاد اللف ديالهوم ياريت تشرحولينا بالتفصيل؟
نتمنى يلقى هاد الموضوع استحسانكوم وشي مجربات يقولولينا تجاربهم هادي اول مرة نحط موضوع فهاد القسم ياريت منخرجش خاوية الوفاض وشكرا ليكوم على كل حال

ggthz]m :gt hgvqdu

أختي أم حارثة أنا ضد لف الرضع حتى لا نعيق حركتهم ونموهم وسأضع لك لاحقا رأي الطب في الموضوع لأنني مشغولة جدا الآن .

المشاركة الأصلية كتبت بواسطة أم حارثة

السلام عليكم ورحمة الله وبركاته أخواتي الموضوع باين من عنوانه، بغيت أي سيدة عندها تجربة مع الرضع تقول لينا تجربتها ومنانساوش دكتورتنا الغزالة بشرى تقول لينا رأي الطب فالموضوع
بزاف ديال النصائح كنسمعها خاصك تلفي ولدك خاصك تقمطيه ماتخليهش بلا تكماط ووو … وبصراحة أنا كيبقى فيا كنلبسليه حوايجو ومحطوا فسريره وصافي ولكن قالوا لي الرضيع الى ماتقمطش كيعواجوليه رجليه وماكايعرفش يتمشى ووو
وصراحة ماعرفت ماندير خاصة كيقولو خاصك تشديه بخيط باش مايتحيدش ليه القماط
أنتوما يا لمجربات: واش كتكمطوا أولادكوم ؟ الى نعم واش طول الليل والنهار ديما مربوط؟ كيف كتديرو لهاد اللف ديالهوم ياريت تشرحولينا بالتفصيل؟
نتمنى يلقى هاد الموضوع استحسانكوم وشي مجربات يقولولينا تجاربهم هادي اول مرة نحط موضوع فهاد القسم ياريت منخرجش خاوية الوفاض وشكرا ليكوم على كل حال

أختي الحبيبة عيودة الحبوبةكيف أحوالك وأحوال الرضيع الحبيب،،،،أختي من تجربتي الشخصية أضع القماط بالليل وأنزعه عند الفجروأرضعه وأتركه ينام بدونه ،،،مع العاشرة صباحاًيعني مع الضحى تاندوشلوا ونرضعوا ونقمطوا ونخليه ينعس حتى المور الغدا ونحيدلوا القماط ونخليه بلاش حتى لليل وهكذا،،،،نتمنى نكون فدتك ولو القليل،،،غير النصيحة اللي نقولك ماتزيريش القماط،،،،

اختي انا ملي ولدت بنتي التانية كانت مرضت ودخلت المستشفى وكانو كيكمطو بنتي كل ماجا وقت النعاس ديالا وراه هادشي فهولندا ماشي المغرب وفعلا استغربت بنتي كترتاح وكتنعس مزيان غير انا كنت غير نجي نحيدولا حيت كانت كتبقى فيا وملي سقسيت الممرضة علاش كتعملو نالبيبي هكداقالتلي هكدا كيكونو فالكرش ملي كيكبرو ماكايكونشي التيساع داخل الرحم ويدوم كيبقاو مجموعين بين العنق وبنفس الطريقة كيكمطوهم هنا يعني اليدين ماشي مسرحين خص يكونو مجموعين تحت العنق هادشي اللي فهمت

السلام عليكم الموضوع مهم وزوين أن أشاء الله أستافدو منو الأمهات الجدد
ونة عن تجربة مع بنتي وولدي كنضن التكماط مزيان ومافيه ضرر والله أعلم وكيخلي الرضع مهدنين وناعسين مزيان حيت جربت نخلي ولادي بلا بيه ومكينعسوش مزيان كل نص ساعة يفيقو ولكن ملي كيتقمطو قليل فاش أفيقو وكنكمتهم لحدود 4 أشهر وبالليل ومكيوقع ليهم والو

أنا كنت شريت 3 ديال القمامط، 2 عصريين و 1 تقليدي، ملي ولدت و جا الطبيب شاف ولدي فالكلينيك و هو يقوللي ممنوع التقماط، دابا أنا كاع ما كنقمطو، ماما شي مرات ملي نكون عندها كتغفلني و تقمطو

المشاركة الأصلية كتبت بواسطة دكتورة بشرى

جزاك ربي خيرا في انتظارك حبيبتي

المشاركة الأصلية كتبت بواسطة ام امة الرحمن

يا هلا بالغالية على قلبي شكرا حبوبة كيف حالك؟

المشاركة الأصلية كتبت بواسطة عاشقة القراءة

شكرا ليك حبيبتي

المشاركة الأصلية كتبت بواسطة jeonah

شكرا لمرورك حتى أنا مالقيت أي طريق نتبع

‫‏التقميط‬‫عادة‬‫‏شعبية

تشير دراسة قوية من أقوى أنواع الدراسات التي تعرف باسم Systematic review والتي راجعت كافة الدراسات التي أجريت على التقميط حتى عام 2024 أن التقميط Swaddling والذي يعرف في بلاد الشام بلف الطفل حديث الولادة بالكوفلية يساعد الطفل على النوم بعمق أكثر كما أنه يساعد الأطفال الخدج على تحسن التطور العضلي العصبي بشكل افضل , مع تناسق حركي أفضل وأقل ضرر فيزيولوجي مقارنة مع الأطفال غير المقمطين , كما تشير حصيلة هذه الدراسات إلى أن الأطفال يبكون بشكل أقل عندما يتم تقميطهم كما أنهم يحسون بالألم بشكل أقل من الأطفال الذين لا يقمطون , وتشير الدراسات إلى أن الأطفال المصابون بشلل مخي يكون التقميط نوعا من الدعم لجسمهم وعضلاتهم , كما أنه يحافظ على درجة حرارة الطفل الوليد الذي يتصف بأنه يحاط بنسيج دهني لا يمنع فقدان الحرارة ويسمى النسيج الدهني البني ( ولذلك يبرد الطفل بسهولة ) ويجب الانتباه أن التقميط قد يسبب زيادة في الحرارة إذا طبق بشكل خاطيء, أما من التأثيرات الجانبية للتقميط فتشير الدراسات إلى أن الطفل المقمط تزداد نسبة إصابته بخلل تصنع الورك وخصوصا عند التقميط والرجلين في حالة التقريب الشديد إلى بعضهما بعضا , وتشير الدراسات إلى أن التقميط يزيد من نسبة الإصابة بالإنتانات الصدرية عد الوليد وهذا يعتمد على شدة ضغط التقميط على الطفل كلما كان أكثر كلما كانت الإصابة بالإنتانات أعلى ولذلك ننصح الأمهات ألا يقمطون أطفالهم بشكل زائد عند اللزوم وبشدة , وتؤكد الدراسات أن التقميط لا يزيد نسبة الإصابة بالكساح , كما أنه لا يؤثر لى خصائص العظام ولا يؤثر على قدرة الطفل على الرضاعة من ثدي أمه بفضل الله تعالى.
والله ولي التوفيق اخوكم د جميل القدسي

انا بنتي ماقمطتهاش ابدااااا والحمد لله طلعات مخيرة تبارك الله عليها
داكشي اختي غير ولف
بالعكس تيجيني التقميط تيعدب الوليدات يتعلمو يحركو يديهم ورجيلاتهم
الى كاع نزلات عليهم دبانة يدافعو على راسهم ههههه
صراحة بنتي الحمد لله مزيانة ماقمطتهاش وحتى لو زيدت ولدت مانقمطش وليداتي ابداااا

وعليكم السلام ورحمة الله وبركاته
اختي انا ما عمرني مقمطت ولادي حيت كيجيني صعيب وفدماغي كنقول كلشي كيبغي الحرية علاش انا نقيدهم هههه وراهم مزيانين الحمد لله ولكن في المستشفى كيقمطوهم بلا خيط وكيجيبوه ليا هكداك وفالليل نفس الشئ استغربت حيت انا مقيمة فألمانيا ومكنضنش انه غيضرهم والا ميستعملوهش.
اختي وراه بصح مكيزعجهمش حيت فالمستشفى ولدي بات مقمط مفاقش حتى للصباح ونعس مزيااان وكن مفيقتوش ميفيقش هههه بلحق غير جيت للدار وهو يتمرد ههههه

اترك تعليقاً إلغاء الرد