لكل عاشقات البيتزا أهدي موضوعي مرحبا بالجميع

10/10/2019

أنيقاتي الغاليات ليوم جبت 3 الأنواع ديال ط§ظ„ط¨ظٹطھط²ط§ لي كنهديهم لكل لعشاق ط§ظ„ط¨ظٹطھط²ط§ بحالي هههه
العجين :

نصف كيلو دقيق فورص ،رابعة قمح ،نصف كأس زيت ،نصف كأس سكر ،م ك خميرة ،م ص ملح
كنعجنو العجين عادي وخاصو يكون مرخوفة نغطيها ونخليها تخمر مزيان.

البيتزا الأولى غنحتاجو:
2كرعات ،2 دنجلات ، 2 بصلات ، 2 فلفلات ، ، 3 مطيشات، موتزريلا، زعتر
كنغسلو الخضر و نشفوها و نقطعوها مربعات ونقليوها في شوية زيت زيتون مع مليحة و إبزار

البيتزا التانية غنحتاجو:
3 بطاطات مقطعين مربعات ومسلوقين،2 بصلات مشنفين ومقليين في شوية زيت الزيتون و شوية ملح،حك طون ،موتزريلا،زعتر

البيتزا الثالثة غنحتاجو:
600 غ غ شومبينيون كنشحروهم في شوية زيت الزيتون مع فص ثوم وملح وإبزار ، موتزريلا.

ملي تخمر العجين نقسموها على 3 و نكرصوها و نتقبوها و ندخلوها للفرن تشد في راسها
ملي تطيب نبداو الحشو

الأولى كنديرو طبقة من المطيشة لي مقطعة و معصرة مزيان من الماء ثم نعملو الكرعة و الدنجال و الفلفل و البصل و رشة من الزعتر ونرجعوها للفرن تكمل طيابها ثم نديرو الموتزريلا وندخلوها للفن حتى يذوب الفرماج.

التانية كنديرو ليها البطاطا و الطون والبصل و رشة من الزعتر ونرجعوها للفرن تكمل طيابها ثم نديرو الموتزريلا وندخلوها للفن حتى يذوب الفرماج.

التالتة كنعملو فيها الشومبينيون ونرجعوها للفرن تكمل طيابها ثم نديرو الموتزريلا وندخلوها للفن حتى يذوب الفرماج.

وهاهو الشكل النهائي ديالهم مممممممممم 3 بيتزات بثلات حشوات ونكهات مختلفة و متميزة

في أمان الله