لقيت الخير في الدراري والرجال مالقيتو في البنات والعيالااات !!!!!

السلام عليكم

واحد القضية حزت في نفسي كثير في الصراحة !!

كل نهار من غير weekend تيخصني ناخد tramway في الصباح باش نوصل ل mon boulot
وسبحان الله العظيم عمرني طلعت ولقيت بلاصة خاوية ديما عامر هههه

حتالهنا ما كاين مشكل ..

ولكن الشئ اللي كيأثر فيا هو انه فاش كنوقف الى كنت واقفة قدام الرجال ضروري شي واحد فيهم يتنازل على بلاصتو ويعطيها ليا باش نرتاح وميخلينيش هازا ثقل وغادا كنتنخض في الطريق surtt انه وما شكيت عليكم ديما كنحس بالدوخة حيتاش tram ممهويش !!

في المقابل فاش كنوقف قدام رباعة ديال البنات+العيالات ! ماكاين غير الله يعطيك صحيحتك .. ما كاينش فيهم اللي كتعبرك او تعييرك اي اهتمام ..

والله ما بقيت فاهمة شي حاجة

في الوقت اللي وحدة بحالك بحالها وعارفة اش كيوقع العيالات الحاملات والاحساس اللي كيحسوا بيه في هاد الفترة انطلاقا من تجاربها او تجارب احد القريبات ليها .. كتدير راسها ما شافتكش ولكن الرجال اللي عمرهوم مروا بهاد المرحلة (نقولوا كاين عيالات من فاميلتهم فايت فيهم هادشي) هوما اللي كيبادروا وكيحنوا عليك !!!!!

لا حول ولا قوة الا بالله وخلاااص .. والله يدر ليا ولجميع العيالات اللي بحالي شي تاويل ديال ط§ظ„ط®ظٹط± ..

!!!!!!

---

grdj hgodv td hg]vhvd ,hgv[hg >> lhgrdj, hgfkhj ,hgudhghhhj !!!!!

الصبر حيبيتي
والله افك صراحك على خير

اللهم امين
ما قلتي عيب اختي .. الله يهدي ما خلق
كنشكرك على الدعاء .. بارك الله فيك

الله يهدينا اختي ويفكك على خير

احبيبة ما تحكميش على لاعيالات هكا
الرجال راه قادين يوقفو
العيالات ما عرفتي تكون شي وحدة فيهم تتوحم و كرشها مابايناش مستحيل توقف
او اخرى فاتحة ما تقدرش توقف

اختي انا كنت بحالك و لكن نهار فتحت و تجي شي مرة تقولك عافاك ابنتي نوضي بغيت نجلس كاتحسي بيها
انتي فاتهة سيزاريان و ربي اللي عالم بيك و لكن اللي شافك يقول ما عندها والو

عاد النساء تايضرهم ظهرهم وخا تكون بنت باقا صغيرة ممن تكون عندها الدورة و آلامها مستحيل توقف

أختي انا ملي جرات ليا وليت نقدر تانقول كل وهدة الله اللي عالم بيها

لا حول ولا قوة الا بالله وخلاااص

اللهم امين اختي الحبيبة

اختي الغالية راني فهمتك وهادشي فايت لي درتوا فالبال

ولكن احبيبة راه ماشي مرة ماشي جوج !!!

راه دييييييييييماااا !!!!

ايوا مايمكنش عاوتاني !!!!

أختي الله يفكك على خير ،ماشي العيلات كاملين بحال بحال الله يهدينا على بعضنا .

اختي الله يهدينا على نفسنا وصافي كاين اللي عندو ظروف وكاين اللي مكيهتمشي نهائيا للاخر وكاين المتعالي وكاين اللي قلبو كيحرقو يبغي يساعد ميقدرشي كل واحد وحالته الحمد لله على كل حال اختي الحمد لله غير بعدا ربي كيسخر لك ولاد الناس اللي ينوضو ويعطيواك موطعوم راه كاين شي مرات كيكونو فيها الرجال معكازين كتار من النساء الله يهدينا وخلاص وبالنسبة ليلك نتينا احتسبي كل شيئ لله وهو سوف يأجرك والله يفكك على خير نتينا وجميع الاخوات الفاضلات