السلام عليكم ورحمة الله وبركاته
شفت واحد الموضوع بحال هدا مفيد ومفيد جدا خصوصا فهاد الازمة الاقتصادية اللي تنعيشوها موخرا, غير هو اللي ساكن فالمغرب وقولت علاش منديروش نسخة لينا بحكم اختلاف الدولة ,العملة,والاسعار
نستفدو من بعضياتنا اللي تعرف شي حاجة تعلم الاخرين
باش نحاولو نوفرو شي بركةلدواير الزمان
وحبيت نقل من اختي امنار هاذ التوضيح
اخواتي عندي ملاحظة مهمة ليكم جميعا
عنوان الموضوع واضح
ماشي شحال كتصرفي او شحال كيعطيك راجلك فالمصروف ?
انما
كيفاش كتسيري مصروف بيتك ?
الموضوع ماشي الهدف منو نعرفو شحال كل وحدة كتصرف او شحال كتوفر او شحال كتتخلص او شحال كيعطيها راجلها
لا ابدا هذي كتبقى امور شخصية لكل الحرية فيها
للي بغات تقول المبلغ المحدد لمصروفها لها كل الحرية
و ايضا للي مبغاتش فهي حرة
لاننا هنا مشي للمقارنة بين المبالغ شكون كتاخذ اكثر و اشكون كتصرف اكثر
الهدف من الموضوع هو شكون كتعرف تصرف و تدبر مصروفها دون تبذير او اسراف
كيفما كان المبلغ المخصص لذلك
gh l,ghj hg]hv (ohw fhkdrhj hsfhkdh) ]ogd u’dkh j[vfj; tjsddv hglwv,t hsfhkdh ohw
السلام عليكم ورحمة الله وبركاته
اول حاجة ننصحكم بيها هي الحصالة
قضية الحصالة غزالة
انا بيها كندير فراش الدار و الميعنات
و الحمد لله ربي ميسر واخا كنشري شوية بشوية
لكن كل مرة كندير حاجة باينة
–
الاغلبية كيستهزؤو بالجميع فالحصالة او الصنيديقة
ولو تكونو كترميو فيها غير ريالات او درهم فاليوم
لكن تيقوني ديك الصنيديقة كتولي كنز كل نهار كزيد
خصوصا لما كتلوحي فيها و نتي كتقولي بسم الله اللهم بارك لي في رزقي
و كل مرة فتحتيها كتصدقي منها واحد القسيم باش ربي يزيد و يبارك فالرزق
بالنسبة للحوايج كنشري موسميا يعني لباس الشتا و لباس الصيف و لباس بينو بين للخريف و الربيع
ليا و لراجلي و لولدي نفس السيستام يعني لباس موسمي
سواء ا البيجامات او لباس الدار او لباس الزنقة…
كنشري اغلبية وقت التخفيضات و اللكيداسيون
هكا كنوفر عليا فلوس كثار
(وخا بيني و بينكم مكرهتش نشري ديما غير كنحبس راسي ههههه خصوصا لما كتجيني شي سلعة او كتجي لشي زميلة فالتجارة كنحمآآآق على الشراوط و السبابط نقطة ضعفي واخا مكنلبسهمش ههههه كيلبسهم الماريو لكن الله يعفو قولو امين)
احسن حاجة لتسيير المصروف بشكل جيد
هي تعملي جدول لكل الحاجات للي كتشريها للاستهلاك العائلي الشهري
اما جدول ورقة و ستيلو او ديري جدول إكسل فالكمبيوتر ديالك
و تكتبي فيه كلشي بالتفصيل من اللحم للزيت للخضار للمنظفات للملابس للكوش للدواء للفواتير (ماء كهرباء تيليفون بنزين …) … يعني كلشي للي كتحتاجي انتي و اهل بيتك
و بعدها كتعزلي غير الضروريات من هاد الجدول
و كتجمعي الحساب ديالها باش كتعرفي شحال كتصرفي فيها شهريا بالتمام
و كتعرفي الحاجات الباقية الكمالية شحال كتدي ليك كل شهر
و كتولي تعرفي الحاجات للي كتشريها كل شهر
و الحاجات للي غتشريها مرة كل شهرين او مرة كل 6 شهور او حتى سنة
هكا كيبان ليك فلوسك فين كيمشيو و كتعرفي شحال المبلغ التقريبي الشهري القار للي معندك علي لاين من صرفو
و المبلغ للي ممكن توفري و تقتاصدي فيه
الاخوات للي كيقولو انهم الى مشاو للاسواق الممتازة كيخسرو بزاف و كيضيعو فلوسهم
فهذا كيبقى اختيار للشخص لو ملتزمتيش بليستة و فكرة معينة فالشراء غتخسري الفلوس فينما تقديتي
الى للي بنات ليك كتهزيها بلا متاخذي بعين الاعتبار حاجتك ليها و استعملاك ليها و ثمنها ايضا
انا ماكنتش تانحسب حتى حاجة ,بالحق دابا اختلف الوضع ملي لقيت النسخة الاصلية لهاد الموضوع هههههههه , الله ايجازي كل الانيقات بالخير تعلمت منهوم بزاف ومزال شلا منتعلموا من بعضياتنا انشاء الله,
مكنتش كانعرف شحال صرفت فالشهر ,الا فالشهر الاخير درت جدوال وكتبت كل كبيرة وصغيرة , وحاولت باعتماد نصائح الاخوات نوفر اللي نقدر عليه والحمد لله .
في انتظاركن انيقات اسبانيا نتوسعو فالموضوع
ماعليش نتسنا فيكوم كاع الوقت اللي بغيتو
راه بصراحة هنا حالة أخرى مغايره تماما عن المغرب
أنا عجبني الموضوع وحبيت نهنيك أختي و إن شاء الله لي عودة
وسمحلي الى تعطلت عليك فالرد ماشفتوش حتى لدبا ملاهية مع العيد وااحولي
شكرا على اهتمامك ونتمنى اخوت خرين ينظمو باش تعم الفائدة
منين انتي اختي فاسبانيا