لازنيا بالصومو من مطبخي واكيد بالصور

اليوم درت للعشاء هده اللازانيا وجات رائعة بحالهديك نتاع الصناك,اوا بلا منطول عليكم نبداو على بركة الله

* المقادير:

لاانيا

الصومو

حوت ابيض

1 خيزو محكوكة

1 بصلة مقطة

1 بورو

ملح,ابزار

كنور نتاع الخضر

صلصة البيشاميل
(1/2 ل حليب,50غ زبدة,50غ دقيق,ملح,ابزار وشوي كوزةمحكوكة)

فروماج محكوك

* الطريقة:

كنديرو الصومو يتبخر مع شوي ملح

كنشحرو البصلة وبورو في شوي زبدة

ونضيفولهم الخيزو

من بعد نزيدو الحوت الابيض مقطع مربعات+ملح,ابزار+كنور ونخليوهم يطيبو

كناخدو اناء كيدخل للفرن وكنديرو واحد 2 م ك صلصة البيشاميل

وكنوضعو اللازانيا(انا كنديرها مباشرة بلا منسلقها)

ثم طبقة من خليط البصلة والحوت الابيض

ومن بعد الصومو

وصلصة البيشاميل

وهكدا حتى نكملوا(كتكون عندنا طبقتين من الحشو و3 طبقات من لازانيا)

وفي الاخير كنكملو بالبيشاميل والفروماج محكوك

وندخلوها فرن 180د حتى طيب

وها هي واجدة

نتمنى تعجبكوم وتجربوها راه ماغاديش تشبعو منها

gh.kdh fhgw,l, lk l’fod ,h;d] fhgw,v