كيك بالكاكاو و القهوة سهلة لذييييييييذة

نبداو على بركة الله : مقادير الكيك

4 بيضات
2 خمارات الحلوة
1 فاني
2 كيسان دقيق
1 كأس سنيدة
1 كأس زيت
2 معالق كبار بودرة كاكاو
للتزيين:

نسكافي
دانيت ديال الشكلاط
5 دراهم شكلاط أسود
2 دراهم شكلاط أبيض
حبيبات سويتيز
قليل من الكركاع
الطريقة:
في إناء كنوضعو البيض+السنيدة+الزيت+فاني كنضربوهم مزيااااان من بعد كنضيفو لهو الدقيق من بعدما خلطنا معاه خمارات الحلوة ثم نخلط الكل و نزيد الكاكاو بودرة ملي يتجانس كنصبوه في مول دائري الشكل و ندخلوها طيب على فرن متوسط الحرارة.

نمشيو للتزيين:
من بعدما خرجنا الكيك كنكونو حضرنا من قبل باش نسقيو الكيك كنشدو نيسكافي+الماء و نحليوه بالسكر بحلا كنصوب قهوة باش نشربها جهد كاس كنسقي الكيك مزيان و نتقبها و نخليها حتى تشرب مزيااااااااان .
ناخد دانيت ديال شكلاط نذوبو في حمام مريم مع الشكلاط الأسود
و نصبو فوق الكيك حتى نغطيها كلها من ثم ناخد الشكلاط الأبيض نذوبو بوحدو
ونبدا نزوق بيه على شكل ميلفاي أو كيفما حبيتو ,في النهاية أنا إستعملت حبيبات سويتيز و الكركاع و كل واحد يتفنن بطريقتو.
كنتمنى تجربوها و تعجبكم إنشاء الله
فهي غير كلفة و كتجي فازكة و بنيييييييييييينة
بالصحة و الراحة.
نسيت ملي تزوقها و تساليو دخلوها للثلاجة تبرد و قدموها .

---

;d; fhg;h;h, , hgri,m sigm g`dddddddd`m

انا اول من يرد و اول من يذوووق
ممممممممممممممم ياسلالالالالالالام

نسيت حاجة سمحوا ليا معرفتش مالي هههههه المهم في جوانب الكيك غطيتهم بالفيرميسيل
و أي إستفسر أنا في الخدمة.

ما شاء الله روعة الله يعطيك الصحة

ههههههه مرحبا أختي لهلا يحوجك

لهلا يخطيك و مشكورين على ردودكم

معليييش ا ختي انا ذقتها قبل متزيدي الفيرمسيل روووعة

مشكورة أختي الله يعطك الخير ياك بعدة والله يلا كون كنت حدايا حتى نصوبها لختي و نجيبها ليك حتى للدار و الله العظيم

ما شاء الله روعة الله يعطيك الصحة

تبركالله عليك أختي سهلة أبينا لديدا