كيك بالشكلاط والليمون خطييييييييييييييير

أم أســــــامة

اخواتي في الله كيك اليوم تيجي رائع بمعنى الكلمة خصوصا الشكلاط مع الليمون تيعطيه مداااق غزززال ادن على بركة الله ندوزوا للمقادير والطريقة وبلا كترة الشكير ههههههه

بسم الله

المقادير

250 غ زبدة بحرارة المطبخ
250 غ سنيدة
200 غ طحين فورص
2 خمارت
5 بيضات
50 غ كاكاو
شوية الزبيب مرطب فشوية الماء
قشور اليمون محكوكين ومعسلين فشوية الماء وسنيدة حت يتعلكوا مزياان

الطريقة
نخدم السكر والزبدة حت تصبح عندنا كريما

نزيد البيض وحدة بوحدة

نزيد الكاكاو

تم الدقيق تدريجيا

والخمارات

وفي الاخير الزبيب وقشور الليمون لي عسلنا من قبل

ندهن المول بالزبدة ونرشوا بالدقيق ونصب الخليط

ندخلها للفران طيب على عافية مهيلة ولي عندها الفرن الكهربائي تعمل غي 120 درجة ومن الاحسن نعمل تحت منها شي لاطة ثقيلة باش طيب على خاطرها

ملي طابت خليتها حت بردات مزيان وزولتها من الموول ووجدت النباج ديالها لي متكون من

طريفات الليمون كاس ماء وكاس سنيدة عملتهم يغلاو مزيان فوق البوطة

وملي تعسلوا هزيت شرائح الليمون وزدت 2 معالق ناباج وخلطت مزيان وسقيت بيه الحلوة وزينت بالليمون

وبالصحة والعافية