كيك بالباستياج مع الورد

150 غ شكلاط
300 غ كريم فريش سائل
كندوبو الشكلاط فبان ماري و كنسخنو الكريم فريش غير واحد الشوية ثم كنزيدوه على الشكلاط و كنخلطو بالطراب ديال اليد حتى كتولي عندنا كريما كنخليوها حتى كتبرد تماماو عاد كنطربوها بالطراب و كنديرها فالحلوى ديالنا فالوسط و كندهو بيها الحلوى كلها
بالنسبة للباستياج
3 اوراق جيلاتين فما بارد
ربع كاس ما زهر
م ك كليكوز
م ك جليسيرين
2 م ك زيت نباتي
قطرات من روح اللوز
كيلو سكر كلاص مقسوم على 2
200 غ نش
ملاحظة الا كان السكر كلاصي فيه النشا بلا ماتستعملوها ولكن الا ماكانش فيه النشا عاد ستعملوها
الطريقة
كنغربلو السكر كلاصي و كناخدو نص كيلو كنديروه فشي زلافة كبيرة لي غادا نعجنو فيها

ثم فكسرونة كنديرو ما زهر حتى كيسخن و كنزيدو عليه الجيلاتين و نخليوه حتى كيدوب كنزيدو الكليكوز و الغليسيرين و الزيت النباتي و اخيرا روح اللوز

ثم كناخدو هاد العناصر و كنكبوها فلسكر كلاصي و و كنبدو نخلطو ثم كنخدو نص كيلو لي بقا ديال السكر و كنبقو نزيدو بشوية بشوية العجينة خاصها تكون رخوة ماشي قاصحة و الا غادي تبدا تهرس منين نجيو نطلقوها بالمدلك
فانا تقريبا كندير مابين 650 و 700 غ سكر كلاصي
منين كنجمع العجين كندهنها بشوية ديال الزيت و كنلويها فشي ميكة و كنديرها فثلاجة حتى كنبغي نستعملها
ممكن تخليها حتى 3 شهور فالثلاجة
انا هنا طلقتها بالمدلك وغطيت بيها الحلوى و زوقت الجناب بالكريم

بالنسبة للورد انا هنا غادا نشرح ليكم ان شاء الله كيفاش مع الصور

[COLOR="rgb(0, 191, 255)"]كناخد شوية ديال الباستياج وكنضيف اللون لي بغيناو كناخدو واحد الشوية و كنحربلوه بحال هاكا كناخدو اعواد ديال السنان و كنديرو عود فشوية ديال الما
و كندخلو العود فالبستياج المحربل و كنخليوه ينشف[/COLOR]

كندطلقو واحد الشوية ديال الباستياج بالمدلك
ثم كناخد هاد المقطع ديال القلب
كندطلقو واحد الشوية ديال الباستياج بالمدلك كنقطعو بيه بحال هاكا

ثم كنبداو نضغطو على الجناب بحال هاكا

ثم كناخدو هد الكورنيات ديال الكرطون انا صيبتهم بكرطون رقيق شوية و كنلويو القلب عليهم بيهاد الطريقة


و كنخليوهم ينشفو


منين كينشفو كنزولو القلب الملوي من الكورني و كناخدو داك العود ديال السنان لي فيه البستاج و كندخلوه فقلب من القلب كتولي عندنا زهرة الكالا ليلي بحال هاكا و الا بغينا كنضيفو عليه الغبرة كتبري كتجي بحال هاكا
نتمنى نكون رحت ليكم مزيان و كنعتذر مرة اخرى على المراحل لي ماكاينينش ان شاء الله غير ناخد كامرا غادا نصيب ليكم هاد الشي ان شاء الله بالتفصيل الممل بحول الله

ان شاء الله اخواتي بالنسبة للورد لي فهاد الكيك خاصني نصور ليكم المراحل خطوة خطوة ان شاء الله يا ربي قريب غير ناخد الكاميرا خواتي و كنواعدكم نور ليكم كل شي بالتفصيل الممل كيف ما عودتكم قبلو عل و خلاصان شاء الله مازال عندي الوصفات و طرق التزيين عندي ف س د كل مرة غادي نزل شي حاجة باش يستفد الجميع بحول الله
في امان الله

;d; fhgfhsjdh[ lu hg,v]

ماشاء الله عليك يالفنانة , روعة ,, ذوق عال