كيكتي بالسميدة والكوك رطبة وبنيييينة

اليوم عملت هاد الكيكة إو بسبوسة كيفما بغيتو تسميوها وبغيت نشاركها معاكم لأنها كاتجي رآآائعة ورطبة وهشيييشة بزاف
(حوحو شكار روحو) المهم بلا قوة الهدرة ندوزو للمقادير
500 غ سميدة رقيقة
2 كؤوس كوك
كأس ونصف زيت
3 بيضات
كاس سنيدة
نصف لتر حليب
دانونة فاني
كأس عصير برتقال أنا درت ماندارين
2 خمارات ديال الحلوة + واحد فاني
ملاحظة : المقادير لي كتبت لي مظبوطين، في الصورة غير بغيت نوريكم المكونات وسمحولي سنيدة نسيت ما صورتهاش

أول حاجة نخلطو البيض و سنيدة ونزيدو الزيت ونخلطو مزيان ومن بعد نزيدو دانون والعصير الحليب الكوك عاد سميدة وفاني وأخر حاجة الخميرة نخلطو كولشي مزيان كاتجي جارية شوية كانخليها 2 دقائق تاتشرب السميدة معروفة تاتشرب دغيا وكاندخلها طيب
وكانوجدو السيرو لي كولشي كايعرفلو أنا كاندير 2 كؤوس سنيدة +2 كؤوس ماء+ 2 دوائر الحامض
وملي كاطيب كانخرجوها ونخليوها تبرد شوية عاد كانسقيوها مزيان ونقلبوها ونقطعوها كاتجي هآآآائلة و ممتازة لي ماعندهاش الأسنان
نتمنى تعجبكم ومانتساوش شي دعيوة في ظهر الغيب

;d;jd fhgsld]m ,hg;,; v’fm ,fkddddkm