كيكتي الملونة بعجينة اللوز و السكر ليحطيت فتطبيقات دورة فن تزيين الكيك مع ام كنزة

"السلام عليكم اخواتي الانيقات
واخيرا طبقت الإفادات لي خديت من عند الاخت ام ظƒظ†ط²ط© فدورة طھط²ظٹظٹظ† ط§ظ„ظƒظٹظƒ لي كانشكرها جزيل الشكر، وكذلك الاخت ام هداية فمايخص عجينة ط§ظ„ظ„ظˆط² من مدرسة اناقة لتعليم الطبخ، وكانشكر المنتدى وأنيقاتو بشكل عام.
وقبل مانبدا تنزيل التطبيق، كانعاود نشكر الاخت ام ظƒظ†ط²ط© على مجهوداتها وكانڭولها الله يحقق متمنياتك بالخير.
نتمنى تطبيقي ينال إعجابكم وهاهو بالتفاصيل:
اولا التطبيق كان فمدة يومين(+ايام التحضير واقتناء المستلزمات)
اليومين:
الاحد:صباحا=عجينة اللوز، بعد الزوال=الكيك، مساء=عجينة السكر.
الاثنين:صباحا=الكريمة+مونطاج الكيك، بعد الزوال=التزيين ط¨ط¹ط¬ظٹظ†ط© ط§ظ„ظ„ظˆط² والسكر.
بسم الله، (انشرح بارقام الصور):
الصورة 1: قسمت خليط ط§ظ„ظƒظٹظƒ على 2، بحيث ليضفت ليه اللون الاحمر اقل بقليل من الخليط العادي حيث المولات فاين انطيبهوم واحد كبر من الاخر
الصورة 2: طيبتهوم فاقراص المولات (حيدت ليهم القاع ودرت ورق الالومنيوم ورديتو على الجناب مع خفت يسيح لي الخليط) (الخطأ لا إرادي لي درت فطياب ديالهم هو اني حليت الفران 3 دلمرات وهوما كايطيبو، مع ذخلتهوم ب2 دقة وحدة وجاجة دالفران مقدرتش نشوفهم فيها ب2، كانشم ريحة وكانخاف إتحرقو وبقيت كانحلو باش نطل)
من بعد ماطابو درتهوم على 2 شبكات باش يبردو
الصورة 3: الوقت ليكايبردو فيه، خديت علبة دكوكيز خاوية ورسمت فيها دائرة بقطر 20سم وقسمتو على 6 عطاني تقريبا 3،3سم، ورسمت دوائر اصغر باستعمال مول صغير(مكاينش فالصورة) زلافة، شبيكة دعصارة دليمون، والميكسور اليدوي (مع معنديش البركار ^^)
الصورة 4: زدت خليتهم يبردو مزيان، من بعد لويتهم ف فيلم اليمونتير وغطيتهم بثوب وخليتهم يباتو
الصورة 5: مع عندي واحد پوش مصنوع من پلاستيك قآصح كايعصبني، ڭلت نصيبو لراصي بواحد الطريقة شفتها شحال هادي فالنت، خديت ميكا عادية نقية، وسخنت واحد جنوية^^ مزيان ودوزتو فالمنتصف دالقنات كيف فالصورة، كاتعطي 2 پوشات
الصورة 6: واحد الپوش كاتخرج مسدودة من جميع النواحي دوزت موس باش حليت الفم ديالها. ليجربات هاد الطريقة ماتنساش تغسل الموس باش يبرد لايجي شي حد يمسو ويخلي فيه صباعو ^^
قبل مانعس صيبت عجينة السكر.
دابا فنهار صيبت:عجينة لوز+كيك+پوش+قرص الكرتون+عجينة السكر.

ندوزو للغد:
للاسف مابقاتش لي الوقت ندير كريمة الزبدة مع تابعني الغدا..فطربت القشدة الطرية مع سكر وڤاني، ودرتها فالفروڭو تشد راسها شويا ودزت لاقراص الكيك.
الصورة 7:خذيت القرص الكرتوني وقطعت الدائرة على دوائر ط§ظ„ظƒظٹظƒ بموس منشاري، وحيدت الجناب، ثم تخلصت من القرص الكبير بحيث قطعتو بالمقص
الصورة 8: قطعت عاود بموس منشاري بالقرص ليولا اصغر، وملي ساليت عاودت تخلصت من القرص المتوسط بالمقص (عجباتني هاد "تخلصت من" ههه اودي غير صبرو مع العرنسيداريجة ديالي)
الصورة 9: قطعت بواسطة الدائرة الصغيرة المتبقية قطعتي الكيك.
الصورة 10: ملي ساليت التقطاع، فارقت الأقراص، وذخلتهم فبعضيياتهم وخالفت الالوان (باش يلصقو دهنت الجناب بخليط معلقة كبيرة كريمة+معلقة صغيرة عسل)
الصورة 11:درت مقدار من الكريمة فالپوش ليصايبت من پلاستيكة ودرتو على الطبقة الاولى.
الصورة 12: درت بنفس الطريقة الطبقة الثانية المتبقية (غير مع الزربة هاد الطبقة الثانية نسيت ماقلبت الاقراص على وجههوم باش يعطيو الجهة المسطحة للفوق، مكاين باس^^)

الصورة 13:دهنتها بطبقة خفيفة من الكريمة وذخلتها للثلاجة حتال لعشية عادا رجعت ليها.
الصورة 14: خديت كرة عجين ط§ظ„ظ„ظˆط² ودرت ليها ملون احمر، ماخليتوش يندامج معاها مزيان، سرحتها بين 2 پلاستيكات، ماكانش عندي خيار، كانت كاتلصق وخفت لاتهرس لي، واخا كاتخلي الپلاستيكة تكماش، كنت كل مرة كانقلع منها الپلاستيكا من 2 جوايه وبهاكا ماخلاتش التكماش
الصورة 15: خديت ورقة بيضا ورسمت فيها دائرة بقطر 20سم وقطعت منها هلال والباقي قطعت من عجينة اللوز
الصورة 16:الهلال قطعتو من عجينة ط§ظ„ط³ظƒط± (على 2 مرات مع ملي حطيت الهلال الاول كان شفاف و حطيت عليه هلال اخر)
الصورة 17: شوية من الباقي قطعت منو مستطيلات ودورتهم على الجناب، الاحمر تحت الاحمر، والابيض تحت الابيض.
الصورة 18: فالصورة الطريقة باش قطعت الوريدات لينصهم حمر ونصهم بيض
والتزيين الاخير، قطعت وريدات بالمراشم من اللون الاحمر ومن الابيض وزينتهم بحبيبات الفانيد.



وهاهو الشكل الاخير

كنت ناوية نتفنن فالتزيين لكن كانت عندي ساعة نكمل فيها التزيين حيت كان عندي غرض مستعجل على برا دالدار، عليها كانتمنى التطبيق ديالي ينال إعجابكم
وكنجدد الشكر للاخت ام ظƒظ†ط²ط© وجميييع المشرفات و الانيقات بدون استثناء"

---

;d;jd hglg,km fu[dkm hgg,. , hgs;v gdp’dj tj’fdrhj ],vm tk j.ddk hg;d; lu hl ;k.m ;,sj

ربي يخليك احبيبة، شكرا ليك على كلامك المشجع، الله يحفظك

الله يعطيك الصحة

الله يعطيك الصحة
غزالة اكيكة تبارك الله عليك

الله يعطيك الصحة هادشي زربانة و خرجتي هاد الفن كلو أما كن كنتي مسالية يعلم الله اش ابدعتي
برافو عليك

تبارك الله عليك

ما شاء الله لا قوة الا بالله ت
تحفه فنيه
تسلم ايديك وربنا يجازيك خير ويباركلك في وقتك

الله يعطيك الصحة

الله يبارك فيك ا الغزالة ويحفظ ليك هديل وكل الناس ليعزاز عليك

^^ اووو حشمتيني، شكرا احبيبة على كلامك الجميل. الله ينورك