كيكة ككوت السهلة والاقتصادية

السلام عليكن هاد الكيكة عطاتهالي صديقة وجات رائعة ومن تما مبقيت ندير ظƒظٹظƒط© الفران ولا ت تجيني العجز عليها لاني هادسي ساهلة واقتصادية وغزالة بلا منطول الكلام هه
2 بيضات + نصف كاس زيت + كاس ما بارد +2 خمارات + قشرة حانض او فاني + 2 معالق كاكاو + كاس سنيدة + الطحين 8 معالق كبار عامرين المهم الدقيق عينك ميزانك
تتخدميها عادي بحال اي ظƒظٹظƒط© الخمارات والطحين اخر حاجة وتضربي مزيان باش يجيوك فقاعات وتجي طالعة
تذهني الككوت بالزبدة والطحين وتخوي فيه الخليط وتسدي الككوت ولكن متعمليش الصفارة تحسبي ليها 30 دقيقة ونت عاملاها فكانون صغير وعافية مهيلة بزااااااااااااااااااااااااااااااااااااااااااااف
ومني تطيب تدهنيها بدانيت او شكلاط او الي عجبك
تنتمنى تروق اعجابكن راها سريعة واقتصادية كيف شفتو من المقادير
واهم حاجة لضمان نجاحها هو العافية المهيلة بزاف







في رعاية الله الله يرزق كل امراة عربية يديات حادكات ههه

---

;d;m ;;,j hgsigm ,hghrjwh]dm

الله يعطيك الصحة جات غزااالة غير بعض التساؤلات كانت عندي من شحال هادي ىعلى هاد الكيكة ودابا عاد كتاب أول حاجة ما شاء الله جاتك طالعة واش في الكوكوط الصغيرة أو لكبيرة؟ويلا كانت في الصغيرة كفاش تتخرجيها حيث الكوكوط الصغيرة تتكون مجموعة من لفوق
بالنسبة للبوطة واش تتحطي فوق منها صفيحة الحديد ديال الطجين قبل متحطي الكوكوط؟ لأنني كنت سمعت أنها ضرورية

الله يعطيك الصحة اختي

شكرا اختي انا فات ليا جربتها وجات زوينة ولتسائلات ام اميمة انا كنديرها عادي فكوكوت متوسطة وماكندير فوقها والوا غير نار مهيلة وصافي

السلام عليكم ورحمة الله تعالى وبركاته اختي جزاك الله خيرا باينة بنينة بصاحتك.

غنوض دابا نيت نعاود نديرها لغد ونرد عليكم لخبار مع العلم انني جربتها من قبل

تبارك لله عليك احبيبة ولله عيطيك الصحة

شكرا حبيبة
بالنسبة للككوت انا تنديرها فككوت ديال خمس لتر متوسطة ومني تنبغي نقلبها تنخليها حتى تبرد وتنقلبها فوق يدي ونحطها فطبسيل ولكن تنشور عليها باش متهرسش
الى خفتي خليها حتى تبرد دوري على الجناب بشي عود ديال الشوا او موس رقيق باش تضمني انها تعزل ومتلصقش او تهرس باش تجبديها وقلبيها فطبسيل
بالنسبة العافية كيف قالت اختي سنابل ماشي ضروري الحديدة غير هي تديريها فاصغر كانون فالبوطة ونقصي العافية من الطوندوز ونقصي مزيااااااااااااااااااااااان وخا تبان ليك هاديك العافية مطيبهاش لا راه طيبها هههههههههههه
وبالصحة مقدما حبيبة

تبارك الله عليك اختي وعلى الشرح المفصل

ربي يخليك لابد من الشرح الزين لان هناك اسرار لنجاح الوصفات لابد من ذكرها لتعم الفائدة وتنجح التطبيق العفو