السلام عليكم ورحمة الله تعالى وبركاته حبيباتي جبت ليكم واحد الكيكة واعرة ومجرباها كثر من مرة بلا منطول عليكم هاهي المقادير.. 4 بيضات ـ200 غرام شوكلاط اسود ـ 200 غرام طحين ـ 100 سنيدة ـ 100 زبدة ـ 100 مللتر حليب ـ خمارة اوخمارة ونصف حيت حنا هنا عندنا الخميرة مجهدة انتما اللي في المغرب ديرو واحدة ونصف الطريقة.. نذيب الشوكلاط في حمام مريم ونزيد عليه الزبدة ونترك الكل يدوب من بعد نزيدو الحليب والسكر مع التحريك ومن ما يدوب الكل نزيله من على النار نضيف الطحين والخمارة ونخلط جيد ا حتى يتجانس الخليط من بعد نضرب البيض بالضراب الكهربائي حتى يتضاعف حجمه ونخلطه مع الخليط نفرغ الخليط في مول مدهون ومغبر طول المول 26 سنتمتروندخله الفرن مدة 30 د مع مراقبة الطياب وبالصحة والراحة وشي دعيوات زوينين بحالكم الزوينات
;d;m v,um fhga,;gh’
[glint] مشكورة اختي على الكيك[/glint]
طلعات وااااااعرة
الله يخليلك دوك لديات و خلييك الوليدات
الا عرفتي شكون انا?
عرفتي من نهار قلت لي دايرا جمعية ديال البغرير و انا تنقلب على المواضيع لي تايديرو البنات لي معانا في الجمعية………وراه دخلت لصفحة ديالك و قلت بلاتي نشوف واش ريحانة حادكة بعدا ايوا ماخليت لي ما نقول الله اعطيك الصحة و تبارك الله عليك
أنا دايرة بحال شي عجوزة بشعكوكة ههههههههه
انت بوحدك لي غادي تفهميني اش تنعني