يثبت الموضوع بتاريخ
19.09.2019
أمة الله بديعة
هد الكيكة كتجي رائعة ومختلفة شوية على الكيك العادي
اول حاجة ناخدو 4 مندرينات اوممكن نستعملو حتى الليمون نديروهم في الماء ونغليوهم شوية نبدلو عليهم الماء 2 المرات حتى يتصلقو وتزول منهم المرورة
في الصلقة الاخيرة نقيوهم وناخدو نصف كاس من ماء الصلق اللاخير ونطحنوهم مزياااااااااااااااااان ونصفيوهم غدي نحصلو على هد الخليط
دابة ندوزو لمقادير الكيك
غدي نحتاجو
3 بيضات
كاس سنيدة
كاس لاروب زيت
كاس دانون طبيعي
200 غ السميدة رقيقة
قبصة ملح
2 خمارات
1 فاني الزهر
نصف كاس الدقيق
في الميكسور نديرو البيض وسنيدة وفاني الزهر ونخدمو مزيااااااااااان
ونبداو نزيدو الزيت بالتدريج
ثم دانون وخليط المندرين لوجدنا في الاول والسميدة الرقيقة
في الاخير نزيدو نصف كاس الدقيق
في مول مدهون ومرشوش بالدقيق نكبوثلثي الخليط
والثلت الاخر نزيدو عليه 2 م ك كاكاو ونخلطو ونكبوه وسط الخليط الاول
ندخلوها تطيب ونوجدو الصلصة باش نسقيوها
في كاصرونة نديرو كاس عصير الليمون مع 2 م سنيدة و1 فاني الزهر و1م مايزينا و1م ك كونفتير الليمون الا مكاينش نديرو المشماش
نخلطو مزياااااااااااان ونديروها فوق النار حتى تختار شوية
هاهي الكيكة مني خرجات من الفران نخليوها حتى تبرد مزيان
عاد نسقيوها بالصلصة سخونة
نزينوها بشوية الكوك
وهاهي واجدة بالصحة والراحة
اللهم ادمها نعمة واحفظها من الزوال
;d;m fhglk]vdk
لك مني احلى تقييم
تم التثبيت مع احلى تقيييم
معتبرة عطاك الله الصحة الحبيبة
التقييم داز في الدويرة لهيه
عندي سؤال الزين ممكن نعوض المندرين بالبرتقال طيب شحال نعمل من برتقالة الزين
احلى تقييم لاحلى مفيدة