كيكة باللوز و الكركاع ممممم ما أروعها

حبيباتي الأنيقات ليوم جبت لكم هاذ الكيكة لي كتجي رائعة شكلا والمذاق مانعودش ليكم بنييييينة
نبداو على بركة الله
المقادير :
4 بيضات
كأس سكر
كأس زيت
كأس لوز مهرمش
كأس كركاع مهرمش
2 خمارات
كأس ونصف دقيق
ملعقة ك قرفة
2 معالق ك كاكاو

الطريقة :

في إناء نديرو 4بيضات نطربوهم شوية ونزيدو كأس سكر وحنا كنطربو ثم كأس زيت و كأس لوز و كأس كركاع مهرمش و الكاكاو و ملعقة ك قرفة ونخلطو جيدا ثم نضيفو الدقيق نخلط جيدا ثم الخمارة ونخلطو مزيان ثم نكبوها في مول مدهون بالزبدة و مرشوش بالدقيق و ندخلوها الفرن لي سخناه من قبل

هاهي ملي خرجتها من الفرن نخلوها تبرد شوية في المول ديالها

دبا ندوزو للكلاصاج غادي نحتاجو ل :
كأس ماء
كأس إلا ربع سكر
ربع كأس زيت
6 معالق ك كاكاو

كناخدو كاسرونة كنديرو فيها جميع المقادير ونخلوها تغلى على نار متوسطة مع التحراك حتى يعقاد الخليط

ثم كنصبوه فوق الكيكة ديالنا ونزينوها بحسب الذوق ديالنا